Дьоруой Охлопков кэриэһигэр снайпинг турнира ыытыллыаҕа

Күрэхтэһии Дьокуускайга алтынньы 8-11 күннэригэр ыытыллар. Күрэхтэһиини тэрийээччилэринэн РФ Бэрэсидьиэнин Уһук Илин  боломуочуйалаах бэрэстэбиитэлин аппараата, Арассыыйа бойобуой снайпинг федерацията, «ВОИН» ыччаты байыаннай-спортивнай бэлэмнээһин уонна патриотическай иитии киинэ уонна СӨ Бырабыыталыстыбата буолаллар.

Турнир сүрүн судьуйатынан  РФ Бырабыыталыстыбатын Бэрэссэдээтэлин солбуйааччы — РФ Бэрэсидьиэнин Уһук Илиннээҕи федеральнай уокурукка боломуочуйалаах бэрэстэбиитэлэ Юрий Трутнев талыллыбыта.

Күрэхтэһии техническэй параметрдарынан дойду биир бастыҥ полигона буолбут «Сулус»  үөрэтэр-ытар киинин баазатыгар ыытыллар. Турнирга байыаннай сулууспалаахтар, ыраахтан ытыыга идэтийбит спортсменнар, уо.д.а. кытталлар.

Турнир бырагырааматыгар күнүскү уонна түүҥҥү ытыы баар. Быйыл турнир чэрчитинэн аан бастакытын16-18 саастаах ыччаттарга күрэхтэһии ыытыллыаҕа.

Билиҥҥитэ сайаапкалар Уһук Илин 11 регионуттан 33 кыттааччыттан киирбиттэр.