Дьоруой "Кыһыл Сулус" уордьанын Петр Киприянов аймахтарыгар туттардылар

Ааспыт 2024 сыл балаҕан ыйыгар дьоруойдуу тыына быстыбыт «Монгол» диэн позывнойдаах Петр Киприяновка Арассыыйа Дьоруойа аат иҥэриллибитин туһунан олунньу 24 күнүгэр Ил Дархан телеграм-каналыгар иһитиннэрэн турар.
Бэҕэһээ, кулун тутар 18 күнүгэр, СӨ Ил Дархана Айсен Николаев уонна генерал-майор Евгений Леонтенков Арассыыйа Дьоруойун Кыһыл Сулуһун Петр Киприянов чугас дьонугар туттардылар.

"Дьиҥнээх патриот, баҕа өттүнэн дойдуну көмүскээччи, эрэллээх уонна хорсун хамандыыр этэ биһиги Дьоруойбут. Бастакынан өстөөх уотун бэйэтигэр ылыммыта, атыттары батыһыннаран сирдээбитэ, элбэхтэ байыастарын уустук түгэннэртэн таһаарбыта. Бииргэ сулууспалааччылара кини быһаарыныыта сөптөөҕөр өрүү эрэллээхтэрэ", - диэн Ил Дархан телеграм-каналыгар суруйда. "Петр тапталлаах уол оҕо, кэргэн уонна аҕа этэ. Бу ыар сүтүк кутурҕанын кини чугас дьонун кытта бүттүүн Саха сирэ үллэстэр. Биһиги кинини, Кыайыы туһугар тыыннарын толук уурбут бары дьоммутун өрүү кэриэстиэхпит. Албан аат бары хорсун буойуннарбытыгар! Албан аат уонна өлбөөдүйбэт өйдөбүл Арассыыйа Дьоруойа Петр Киприяновка!", - диэн түмүктээтэ.

Хаартыска: СӨ Ил Дарханын телеграм-каналыттан