Доруобуйа харыстабылыгар – бэйэ оҥорон таһаарар битэмииннэрэ

Муус устар 9–11 күннэригэр «Куруһаала» эргиэн дьиэтигэр үгэскэ кубулуйбут «Экспо: доруобуйа уонна кэрэ буолуу» тэрээһин буолан ааста. 

Дьокуускайтан «Дельта» клиника бэйэтэ төрүттээбит «Арктикбио» хампаанньатын бородууксуйатын аҕалбыт. Клиника кылаабынай бырааһа Варвара Борисова:

– Дьарыктаммыппыт иккис сыла. Бородууксуйабытын бэйэбит ырысыаппытынан Арассыыйа собуоттарыгар оҥотторобут. Саха сирин олохтоохторугар олус наадалаах битэмииннэрдээхпит. «Д» битэмииммит аптекаҕа бааллартан уратыта – биир хааппылатыгар 2 тыһ. международнай  единицалаах. О.э. 4 бүк элбэх буолан, уһуннук барар, 7-8 ыйга тиийэр. «В» диэн укуолунан ыларга олус ыарыылаах битэмиин баар. Оттон биһиги оннук В1, В6 уонна В12-лээх спрейи сакаастаан оҥотторбуппут. Тылыҥ анныгар күҥҥэ биирдэ икки ыстарыыны оҥордуҥ да, сууккатааҕы нуорманан хааччынаҕын. Дөлүһүөн амтаннаах. «Омега-3» диэммитин эбиитин «Д» битэмииннээх гына, Мурманскайга оҥотторобут.

Хомойуох иһин, сорох оҥорон таһаарааччы «Д» битэмиини испиирдиир, анисовай ароматизатордаах гынар. Ол оҕолорго аллергия реакциятын элбэтэр. Онон испииргэ да, ууга да суураллыбатах, оһоҕоско киирэн үчүгэйдик иҥэрин туһугар арыы курдугу ылыахха наада. 

Быыстапка туһунан сиһилии «Киин куорат» хаһыат бу чэппиэрдээҕи нүөмэригэр ааҕыҥ.