«Дорстрой» тэрилтэ Ленин проспегын гарантийнай эбэһээтэлистибэнэн оҥорор

Муус устар 21 күнүттэн суолу тутааччылар гарантийнай эбэһээтэлистибэнэн үлэлэрин саҕалаабыттарын туһунан суруйан турабыт. 
Муус устар 24 күнүттэн бэрэдээтчит «Дорстрой» ХЭУо куорат баһылыгын солбуйааччы Антон Алексеенко сорудаҕынан Ленин проспегар бэлиэтэммит итэҕэстэри туоратан саҕалаата, чуолаан тротуар билиитэтин көннөрөр. 

Санатар буоллахха, Ленин проспегын хапытаалынай өрөмүөнэ «Хаачыстыбалаха уонна куттала суох суоллар» национальнай бырайыагынан 2021 сылтан 2023 сылга диэри оҥоһуллубута. Өрөмүөннэммит эбийиэк уопсай устата – 2,946 км.

Бэлиэтээн эттэххэ, «Главстрой» МХТ – муниципальнай сакаасчыт, бэдэрээттээх тэрилтэ уонна управалар бэрэстэбиитэллэрэ састааптаах оробуочай хамыыһыйа 2021-2024 сс. оҥоһуллубут суолларга итэҕэһи быһаарыыга үлэни ыытар. Быһаарыллыбыт итэҕэһи-быһаҕаһы, алдьаныыны-кээһэниини бэдэрээттээх тэрилтэлэр гарантийнай эбэһээтэлистибэ быһыытынан босхо туораталлар, диэн Олохтоох дьаһалта пресс-сулууспата суруйар.