Дьон албыҥҥа үктэтэллэр
Дьокуускай борокуратуурата Арассыыйа ИДьМ “Якутское” МУ СУ ураты, улахан кээмэйдээх түөкүннээһин тахсыбытын туһунан РФ УК 159 ыст., 4 ч. холуобунай дьыаланы сокуоннайдык көбүппүтүн бигэргэттэ.
Албын-түөкэй дьон «Telegram» мессенджери туһанан, Росфинмониторинг уонна быраабы араҥаччылыыр уорганнар үлэһиттэрэбит диэн сымыйалаан, 60 саастаах дьахтарга тахсыбыттар. “Эн ааккар кирэдьиит толорторон эрэллэр, онон харчыгын быыһаа, 1 440 000 солк. баан куттала суох счетугар көһөр” диэн албыннаан, тылларыгар киллэрбиттэр.
Маннык быһыы тахсыбыта бигэргэнэн, холуобунай дьыала көбүтүллэн, билигин силиэстийэлиир дьайыы үгэннээн турар. Дьыала борокуратуура хонтуруолугар сылдьар.