Дьоллоох буоларга сүбэлэр

Бэйэҕин истэ үөрэн

Тулалыыр эйгэбит ис бэлиэлэрбитин саба баттыыр: баҕа санаабытын, дьиксиниини, үөрүүнү-көтүүнү. Бэйэҕиттэн ыйыт: “Билигин тугу баҕарабын?” Эппиэтэ соһутуон сөп. Искэр эппиэттээбит кыра да дьайыы үгүстүк улахан дьолго тиэрдиэ.

Субу түгэҥҥэ, билиҥҥинэн олор

“Идеальнай түгэни” кэтэһии – туохха эрэ киирэн биэрии. Дьол кэлин буолбакка, билигин наада: кофе сытыгар, күн сарсыардааҥҥы сардаҥатыгар, чугас дьонуҥ үөрүүлэригэр. Маннык түгэннэри бэлиэтээн көрө сылдьарга кыһан.

Ыралана сылдьыма, хамсанан ис

Дьол – сыал-сорук буолбатах, бу – хамсаныы. Сыллар усталарыгар үчүгэй олох туһунан фантазиялыахха сөп эрээри, бастакы хардыыны оҥордоххуна эрэ дьоллооххун билиниэҥ. Холобур, үҥкүүлүөххүн баҕараҕын? Уруокка бүгүн, сибилигин суруйтар.

Көҥүлгүн кэҥэт

Хас биирдии киһиэхэ үс суолталаах көҥүл баар: кэлии-барыы, кэпсэтии уонна иһитиннэрии. Олоххун ылан көр: мантан таларыҥ баар дуо? Холобур, кимниин бириэмэҕин атаараргын эбэтэр тугу ааҕаргын талаҕын дуо? Суох буоллаҕына, бэйэҕэр хонтуруолу хайдах төнүннэрэр туһунан толкуйдуоххун наада.

Саҥа сыаллары туруор

Саамай чыпчаалга тиийэн баран, дьон хайдах эрэ кураанахсыйбыт курдук сананар. Оннук буолбатын туһугар, билиҥҥи сыалларгар үлэлии сылдьан инники былааннаргын торумнаа. Бу эйиэхэ күүһү-уоҕу эбиэҕэ уонна “ситиһии кэнниттэн” диэн биир сиргэ  хаайтаран тураргын суох оҥоруо.

Туох эрэ уратыны туһан

Креативнай, ураты бырайыактар – уһун олох кистэлэҥэ. Куруук тугу эрэ толкуйдуур (хомуйар, чинчийэр, оҥорор) дьон уһуннук олороллоро, дьоллоох буолаллара дакаастанан турар. Бэйэҕэр кыракый бырайыакта толкуйдан: сибэкки үүннэрииттэн кинигэ суруйуутугар диэри.

Тус кыраныыссаҕын убаастаа

Эн дьолуҥ хаһан да атыттарга кыһалҕаны үөскэтиэ суохтаах.  Туора дьон кыраныыссатын убаастааһын сыһыаны бөҕөргөтөр, өйдөспөт буолууну суох оҥорор уонна чугас дьоҥҥун кытары бэйэҕин олус үчүгэйдик, дуоһуйа олорорго кынаттыыр.

Уруккуну кытта үлэлэс

Киһиэхэ барытыгар таһаҕас баар. Ону соһор оннугар, ыһыктарга, ыытан кэбиһэргэ үөрэн. Дневник суруйуу, медитация эбэтэр психологы кытта үлэлээһин курдук ньымалар истириэһи уонна кортизол таһымын аччатарга көмөлөһөллөр.

Үтүө сыһыаны уонна эккэр-сииҥҥэр сыһыаны сайыннар

Психическэй доруобуйа эти-хааны чэбдигирдиини кытта ыкса сибээстээх, бу аһылыгы уонна утуйууну эрэ таарыйбат. Доруобай сыһыан уонна бэйэни ытыктааһын эмиэ сүрүн оруолу ылаллар. Дьоллоох киһи тулалыыр эйгэни тупсарар.

Дьол – бу тиһэх тохтобул буолбатах, бу биһиги айаҥҥа аргыспыт. Бэйэҕин иһиллэн, атыттары убаастаа уонна кыраттан да үөрэргин умнума. Оччоҕуна эрэ тулаҥ барыта дьолунан туолуо.