Дьокуускайга – Йога күнэ

Тэрээһин сарсыарда 10:00 чаастан ыытыллар, бэлиэтэнии 9:00-тан саҕаланар. Ким баҕалаах кыттар. Киириитэ босхо.

Тэрийээччилэр бэлиэтииллэринэн, йоганы кытта билсэргэ, туһатын бэйэ этинэн-сиининэн билэргэ, уопуту үллэстэргэ уонна биир санаалаах дьону көрсөргө бу табыгастаах түгэн.

Кыттааччылары туох күүтэрий: сүһүөҕү эрчийэр гимнастика, турар, олорор, сытар асаналар, тыыныы эрчиллиилэрэ (пранаяма), сынньалаҥ (шавасана). Ону тэҥэ ыалдьыттарга йога сүрүн теориятын кэпсиэхтэрэ.

Спортивнай таҥастаах, ковриктаах кэлэргит ирдэнэр. Тэрээһини Мария Ли «Джива-Шакти» йога оскуолата тэрийэр.

Сиһилии билсэр төл.: +7-914-272-72-05.