Дьокуускайга уу таһыма үрдүү турар

Бүгүн, от ыйын 23 күнүгэр, Даркылаах чааһынай сектора, производственнай баазалар, паром тиксэр кытылыгар турар эбийиэктэр ууга бараннар, үс сиргэ электричество уотун араардылар. Ол курдук, 1-кы, 2-с Пристанскай уулуссалар уонна Сэбиэскэй Аармыйа 50 сыла уулусса сорох өттө уота суох хааллылар.

Нэһилиэнньэни уу тиэргэҥҥэ киирэр түгэнигэр уокуруктааҕы дьаһалтаҕа биллэрэргэ көрдөһөллөр.

Киин электрическэй ситимнэр исписэлиистэрэ балаһыанньаны хонтуруолга туталлар, диэн Якутсэнерго пресс-сулууспата иһитиннэрэр.

Санатар буоллахха, от ыйын 23 күнүгэр сарсыарда 08.00 чаастааҕы туругунан Дьокуускайга уу таһыма 607 с тиийбитэ (кутталлаах таһым 827 см). Бу аата сууккаҕа 47 см эбиллии. Табаҕа туһаайыытынан 894 см (кутталлаах таһым 970 см), Кангалааска - 850 см (1000 см), Пригороднайга - 875 см (1000 см).

Ол курдук. нэһилиэктэргэ уу кэлиитэ сууккаҕа 12 см саҕалаан 50 см тиийэ үрдлүү турар.