Дьокуускайга санитарнай ыраастааһыҥҥа көхтөөх үлэ салҕанар

«Якутдорстрой» АО иһитиннэриитинэн, муус устар 9 күнүгэр полигоннарга таһаарыллыбыт хаар кээмэйэ 530 590 кубомиэтиртэн тахсыбыт.

Хомунаалынай тиэхиньикэ, тэрилтэ бэйэтин да, бэдэрээттэһэр тэрилтэлэр да өттүлэриттэн түүннэри-күнүстэри үлэлиир.

Сылыйыыны уонна хаар күүскэ ириитин учуоттаан, тэрилтэ турбаны паарынан ыраастыыр үлэтин күүһүртэ.

Ону таһынан ууну ыытар лотуоктары паардааһын үлэтэ күүскэ бара турар. Айылҕа уутун хачайдааһыҥҥа электронасоснай ыстаансыйалар көмөлөһөллөр.

«Жилкомсервис» МУТ ууну, дьаамалары хачайдааһын уонна мууһу таһыы үлэтин туһунан иһитиннэрдэ. Муус устар 9 күнүгэр 16:00 чааска 377 кубомиэтир ирбит уу хачайдаммыт. Сезон саҕаланыаҕыттан, кулун тутар 24 күнүттэн, 3 120 кубомиэтиртэн тахса уу хачайдаммыт. Кыбаартал иһинээҕи сирдэртэн ирбит ууну хачайдааһын бэдэрээттэһэр тэрилтэлэр тиэхиньикэлэринэн оҥоһуллар. Кулун тутар 24 күнүгэр үлэ саҕаланыаҕыттан бэдэрээттэһэр тэрилтэлэр 1 410 кубомиэтиртэн тахса ууну хачайдаабыттар.

Маны таһынан, Дьокуускайга социальнай суолталаах эбийиэктэртэн хаары таһыыга үлэ күүскэ ыытыллар. Барыта 237 социальнай-бытовой аналлаах тэрилтэлэртэн 94 140 кубомиэтир кээмэйдээх хаар таһаарыллара былааннанар. Отчуоттуур кэмҥэ 93 320 кубомиэтиртэн тахса хаар тиэйиллибит, ол аата былааннаммыт кээмэйтэн 99% - ҥа тэҥнэһэр.

Тиэкис, хаартыска: олохтоох дьаһалта пресс-сулууспата