Дьокуускайга от ыйын 8 күнүгэр босхо юридическай сүбэлэри биэриэхтэрэ

От ыйын 8 күнэ — Дьиэ кэргэн, таптал уонна бэриниилээх буолуу күнэ. Оҕо, тулаайах уонна көрүүтэ-истиитэ суох хаалбыт оҕо быраабын уонна интэриэһин көмүскээһиҥҥэ сыһыаннаах араас олох-дьаһах боппуруостарыгар босхо юридическай сүбэлэри ыларгытыгар ыҥырабыт. Ол курдук, социальнай босуобуйалары уонна төлөбүрдэри ылыы бэрээдэгиттэн, Ийэ хапытаалын туһаныыттан, оҕо үөрэҕэр (оҕо саадыгар, оскуолаҕа, сайыҥҥы лааҕырдарга миэстэ) сыһыаннаахтан, төрөппүт быраабын быһыы уонна оҕолору көрүү-истии, ону тэҥэ араас дьиэ-уот, сир уонна нэһилиэстибэ боппуруостарыгар.

Юридическай сүбэлэри маннык тэрилтэлэр (уорганнар) биэриэхтэрэ:

— СӨ Адвокаттарын палаатата;

— «Дьокуускай куорат» куораттааҕы уокурук «Дьиэ-уот сыһыаннаһыыларын департамена» МКУ;

— Олохтоох дьаһалта Баай-дуол уонна сир сыһыаннаһыыларын департамена;

— Дьокуускай куораттааҕы Эпиэкэ уонна оҕону көрүүнү-истиини хааччыйар департамент;

— Арассыыйа социальнай пуондатын Саха сиринээҕи салаата;

— СӨ Нотариустарын палаатата;

— СӨ оҕо быраабыгар боломуочунайа;

— Дьокуускай куорат нэһилиэнньэ социальнай көмүскэллээх уонна үлэлээх буолуутун управлениета;

— Дьокуускай куораттааҕы Үөрэх управлениета;

— СӨ Бырабыыталыстыбатын иһинэн ЗАГС управлениета;

— РФ Юстициятын министиэристибэтин Саха сиринээҕи управлениета;

— Суут бириистэптэрин федеральнай сулууспатын Саха сиринээҕи управлениета.

Эһигини 2026 сыл от ыйын 8 күнүгэр Дьокуускай к. 202-с мкрн 18/3 дьиэтин 2-с этээһигэр (13:00-тан 17:00 чааска диэри) күүтэбит.

Саха Өрөспүүбүлүкэтин Юстицияҕа судаарыстыбаннай кэмитиэтэ