Дьокуускайга оҕолор эбээн тылын үөрэтэллэр

Уһуйаанын хаһаайката, бэйэтэ омугунан эбэҥки Наталья Авелова оҕолору хотугу төрүт олохтоох омуктар тылларыгар, култуураларыгар, үгэстэригэр хайдах үөрэтэрин сырдатта. Кини бу куоракка соҕотох маннык тэрилтэ буоларын бэлиэтээтэ. Бастаан Наталья эбэҥки тыллаах бөлөҕү тэрийиэн баҕарбыт да, төрөөбүт тылынан саҥарар учууталлары кыайан булбатах. Түмүккэ, дьарыкка көхтөөхтүк кыттар Сэбээн-Күөл нэһилиэгин талааннаах эбэҥки кыргыттарын тардыбыт.

Былырыын «Осикат» Благовещенскайга ыытыллыбыт «Туренкэн» куонкуруска бастакы миэстэни ылбыт.

Оҕо саада национальнай бырааһынньыктары көхтөөхтүк бэлиэтиир, араас сиэр-туом ыытар уонна эбээн тылын үөрэтэр кылаастардаах 26 уонна 38 №-дээх оскуолалары кытта сибээһи тутар. Оскуола оҕолоро кэнсиэрдэргэ, флешмобтарга өрүү сылдьаллар.

Билигин «Осикат» бөлөххө тоҕус оҕо баар: эбээннэр, эбэҥкилэр, долганнар, сахалар, нууччалар. Аҕыйах ахсааннаах төрүт олохтоох омуктар бөлөхтөрүгэр ыйга 6 500 солкуобай чэпчэтиилээх төлөбүр биллэриллибит.