Дьокуускайга оҕо хамсааһынын киинэ аһылынна

Алтынньы 7 күнүгэр Дьокуускайга «Юный горожанин» оҕо хамсааһынын киинэ үөрүүлээхтик аһылынна. Саҥа киин көхтөөх оҕолор түмсэн, оскуолалара, Дьокуускай куорат сайдарыгар сонун, креативнай идиэйэлэрин ырытыһалларыгар көмөлөөх буолуо.

Киини арыйыы үөрүүлээх чааһыгар бэлиэ лиэнтэни Дьокуускай куорат баһылыга Евгений Григорьев, Ф.И. Авдеева аатынан Оҕо айымньытын дыбарыаһын дириэктэрэ Татьяна Иванова, оҕо уопсастыбаннай сэбиэтин бэрэссэдээтэлэ Роман Хайдуров уонна «Бастыҥнар хамсааһыннарын» бастакы сүһүөх салаатын актыбыыһа Алина Буренкова кырыйдылар.

«Биһиги, улахан дьон быһыытынан, ыччаппыт сайдарыгар, саҥаны билэригэр-көрөрүгэр, идиэйэлэрин уонна баҕа санааларын олоххо киллэрэригэр түмсэр усулуобуйаларын тэрийэр соруктаахпыт. Бу сир уларыйа тубуста уонна хас биирдии киһи санаатын этинэр уонна кинини истэр сылаас дьиэлэрэ буолла. Бу дьиэттэн оҕо дьон олоҕор эрэ буолбакка, куораппыт олоҕор сабыдыаллаах сөптөөх көҕүлээһиннэр тахсыахтара диэн эрэнэбин», – диэтэ Евгений Григорьев. 

Хаартыска: Дьокуускай баһылыга Евгений Григорьев тг-ханаалыттан