Дьокуускайга муус устар үлэ харыстабылын ыйынан биллэрилиннэ

Аан дойдутааҕы Үлэ харыстабылын күнүгэр сыһыаран муус устар 1-30 күннэрэ Дьокуускайга үлэ харыстабылын ыйынан биллэрилиннэ. Бу туһунан Дьокуускай уокуруктааҕы дьаһалтатын үлэ харыстабылыгар отдела иһитиннэрэр.
2025 с. Аан дойдутааҕы Үлэ харыстабылын күнэ үлэһит доруобуйатыгар, куттала суох буолуутугар сыыппара уонна искусственнай өй  дьайыытыгар ананыа.
Дьокуускай уокуруктааҕы дьаһалтата тэрилтэлэр үлэ харыстабылыгар салайааччыларын, исписэлиистэрин бу анаммыт ый тэрээһиннэригэр кыттаргытыгар ыҥырар.
Ол курдук, муус устар 2 күнүгэр үлэ харыстабылын ыйын арыйыы буолуо. Манна үлэ харыстабылыгар сыһыаннаах тиэмэлэр сырдатыллыахтара.
Муус устар 9 күнүгэр үлэ харыстабылын исписэлиистэригэр билиилэрин тургутар олимпиада ыытыллыа. Оттон муус устар 11 күнүгэр "Работы на высоте" үрдүк таһымнаах үлэлээх тэрилтэлэри тренинг-сэминээр күүтэр.
Муус устар 15-16 күннэригэр үлэ харыстабылын национальнай ассоциациятын генеральнай дириэктэрэ Ольга Кондратьева уонна ПВ "Фирма "Техноавиа" ХЭУо (Москва к.) генеральнай дириэктэрэ Екатерина Михайлова спикер быһыытынан кыттар тэрээһиннэрэ буолуо.
Муус устар 18 күнугэр үлэ харыстабылын исписэлиистэригэр биир кэлим көрүҥ нуормаларга практическай сэминээр ыытыллыа.
Муус устар 25 күнүгэр үлэ харыстабылыгар ыытыллыбыт куонкурустар кыайыылаахтарын наҕараадалааһын.
 Ыытыллар куонкурустар: 
"Дьокуускай уокуругун үлэ харыстабылыгар бастыҥ исписэлииһэ";
"Куттала суох үлэ объективка" хаартыска күрэҕэ;
"Тэрилтэҕэ үлэ харыстабылын култууратын үрдэтии" бастыҥ иһитиннэриигэ куонкурус.
Тэрийээччилэр куонкурустарга сайаапкалары otyakutsk@mail.ru электроннай почтаҕа тутуохтара. Тэрээһиннэргэ кыттыы босхо.