Дьокуускайга икки Бочуоттаах гражданин эбилиннэ

Куорат дууматын 29-с уочараттаах мунньаҕа «Дьокуускай куорат бочуоттаах гражданина» анал ааты Антипкина Татьяна Сергеевнаҕа уонна Олесов Семен Семеновичка иҥэрдэ.

Татьяна Сергеевна Антипкина 1954 сыл бэс ыйын 25 күнүгэр Пермь уобалаһыгар төрөөбүт. Красноярскайдааҕы политехническэй институту бүтэрэн баран Дьокуускайга  «Якуттяжстрой» тэрилтэҕэ инженеринэн үлэлии кэлбит. Үлэ бэтэрээнэ, РФ уонна СӨ үтүөлээх тутааччыта. «РДР Групп» тутуу хампаанньатын салайбыт, билигин «ДСК-Проект» ХЭУо тэрилтэлээх.

Семен Семенович Олесов 1960 сыл от ыйын 10 күнүгэр Уус Алдан Сыырдааҕар төрөөбүт. Новосибирскайдааҕы кооперативнай институту, Арассыыйаааҕы судаарыстыбаннай сулууспа академиятын бүтэрбит. Ил Түмэн III уонна IV ыҥырыыларын дьокутаата, РФ эргиэнин уонна СӨ норуотун хаһаайыстыбатын үтүөлээх үлэһитэ.

Санатар буоллахха, Дьокуускай куорат үрдүкү наҕараадатынан «Дьокуускай куорат бочуоттаах гражданина» анал бэлиэ буолар. Бу наҕарааданан бүгүҥҥү күҥҥэ 112 киһи бэлиэтэннэ. Саамай бастакы наҕараадаланааччынан 1885 сылтан 1889 сылга диэри губернаторынан үлэлээбит генерал-майор Светлицкэй Константин Николаевич буолар. Бүтэһигинэн, ол эбэтэр 2024 сыллаахха, дьокутааттар куорат үрдүкү наҕараадатынан Куорат дууматын 16 сыл салайбыт Саввинов Александр Александровиһы наҕараадалаабыттар: https://yakutskcity.ru/yakutsk/pochetnye-grazhdane/