Дьокуускайга ГТО сэртипикээттэрин, ирдэнэр нормативтары туттарбатах дьоҥҥо атыылаабыттар

Арассыыйа Ис дьыалаҕа министиэристибэтин 4 №-дээх полиция управлениетын дознавателэ РФ ХК 324 ыст. (“Сбыт официальных документов и государственных наград”) физкультура уонна маассабай спорт тэрилтэтин икки үлэһитин утары холуобунай дьыаланы түмүктээтэ.

27 саастаах буруйданааччылар, бэйэ интэриэһинэн саптынан, ГТО нуорматын туттарбыттарын туоһулуур сэртипикээттэри атыылааһыны тэрийбиттэр. Докумуоннары 1000 солкуобайга атыылаабыттар.

Силиэстийэ чахчытынан, нуормалары туттарбатах 30-ча киһи сэртипикээти атыыласпыт.

ГТО дастабырыанньата туохха нааданый?

Официальнай докумуоннаах буолуу манныкка туһалыыр:

- үрдэтиллибит истипиэндьийэ ыларга;

- үрдүк үөрэххэ киирэргэ эбии баал;

- нолуок вычетын ыларга быраабы биэрэр.

Холуобунай дьыала матырыйааллара бигэргэтиллибит буруйдуур аакталанан суукка ыытылыннылар.