Дьокуускайга – дьиэ кэргэн бэстибээлэ

Буолар сирэ: «Ойуур бибилэтиэкэтэ» былаһаакка, саҕаланыыта – күнүс 14:00 чаастан. Киириитэ босхо.

Тэрийээччилэр – СӨ Уопсастыбаннай доруобуйа уонна медицинскэй сэрэтии киинэ, медик волонтердар.

Кыттааччылары аһылык уонна гигиена тиэмэлэригэр квестэр, VR-оонньуулар, быраастар сүбэлэрэ уонна тиис кариеһын сэрэтиигэ маастар-кылаастар күүтэллэр.

Маны сэргэ, медицина үлэһиттэригэр лиэксийэлэр, оттон үөрэнээччилэргэ интерактивнай кылаас чаастара тэриллиэхтэрэ. Төрөппүттэргэ уонна тэрилтэлэр үлэһиттэригэр күннээҕи эрэсиим, аһылык уонна сыстыганнаах ыарыылары сэрэтии туһунан кэпсэтиилэр баар буолуохтара.

Санатан эттэххэ, атырдьах ыйын 31 күнүттэн балаҕан ыйын 6 күнүгэр диэри Саха сиригэр үүнэр көлүөнэҕэ чэгиэн буолуу үөрүйэхтэрин иҥэриигэ аналлаах нэдиэлэ ыытыллар. Бу тэрээһин сүрүн түгэнинэн «Здоровый старт!» дьиэ кэргэн бэстибээлэ буолуоҕа.