Дьокуускайга Арассыыйаҕа бастакы электрическэй дьоҕус погрузчик кэллэ

Өрөспүүбүлүкэ киин куоратыгар толору электричество уотунан үлэлиир бастакы дьоҕус погрузчигы тургутан үлэлэтиэхтэрэ. Бу инникитин Арассыыйаҕа  бырамыысыланнаска уонна хомунаалынай өҥөҕө стандарт быһыытынан экологическай өттүнэн ыраас тырааныспары туттуу стандартын киллэрэргэ дьоһун хардыы буолар.
Анал тиэхиньикэни Дьокуускайга тургутан көрөргө, "Ростелеком" хампаанньа электрическэй тырааныспары өйүүр бырагырааматын чэрчитинэн биэрдэ.
Дьоҕус погрузчик таһаҕаһы тиэйэр-таһар уустук үлэлэргэ, сири былааннааһыҥҥа, буору  уонна бытархай матырыйааллары, биирдиилээн таһаҕаһы тиэйиигэ, ону тэҥэ хаары уонна бөҕү хомуйууга үлэлиир аналлаах.  Дьоҕус погрузчигы "Якутдорстрой" АУо ый устата Саха сирин экстремальнай климатыгар тургутан көрүө.
1 туонна кыамталаах электричествонан үлэлиир погрузчик 8 чаас иитиллиитэ суох үлэлиир кыахтаах. Бу курдук кыамталаах дизелинэн үлэлиир тиэхиньикэлэр толорор үлэлэрин толору кыайар, инньэ гынан уматыкка ороскуоту лаппа кыччатар кыахтаах диэн  "Ростелеком" ПАУо филиалын пресс- сулууспата иһитиннэрэр.