Дьокуускайга 15 суол эбийиэгин өрөмүөннүүргэ хантараак түһэрсилиннэ

"Олох инфраструктурата" национальнай тосхол чэрчитинэн 2025 с. Дьокуускай куорат уулусса суолларын ситимигэр 12 өрөмүөн үлэтэ ыытыллыа – 9 тутаах уонна 3 резервнэй. Холбоон барыта 15 км усталаах суол. Билиҥҥи туругунан сүрүн өрөмүөн барыахтаах эбийиэктэрин үлэтигэр хантараактар түһэрсиллэн тураллар. Сакаасчыт –  Дьокуускайдааҕы "Главстрой" МКУ.
Ол курдук, 2025 с. өрөмүөн ыытыллыа:

– Тускул мкр. Бэс Чагда уулусса-суолун өрөмүөнэ. Хантараак суумата – 28 528 747,54 солк.;

–  Тускул мкр. Хатыҥ Чараҥ уулусса суолун ситимгэр өрөмүөн. Хантараак суумата – 45 148 692,12 солк.;

– Сыырдаах с. уулуссалар хапытаалынай өрөмүөннэрэ (Скрябин уул., Сайдыы пр., Крестьянскай пр., Фермерскэй пр, Кэскилээх пр., Церковная уул.). Хантараак суумата – 137 751 530,22 солк.;

– Белинскэй уул., Октябрьскай уулуссаттан Петровскайга диэри учаастагар, хапытаалынай өрөмүөн. Суумата – 97 978 000,00 солк.;

– Севастопольская уул. Курнатовскай уулуссатыттан Өктөөп 50 сыла Автострадаҕа диэри учаастагар хапытаалынай өрөмүөн. Суумата – 203 290 102,26 солк.;

–  Халтурин уул., Строителлэр уулуссаларыттан Якутская уул. диэри учаастагар хапытаалынай өрөмүөн. Хантараак суумата – 68 327 606,44 солк.;

–  Ленская уул. Жорницкай аатынан уулуссаттан Ленская уул.18-с дьиэтигэр диэри учаастагар хапытаалынай өрөмүөн. Суумата – 22 764 764,38 солк.;

– Сэргэлээхтиир суол 8 км, Гимеин кольцотуттан Сэргэлээхтиир суол 8 км 1-кы дьиэтигэр диэри учаастагар хапытаалынай өрөмүөн. Суумата – 386 618 805,85 солк.;

– Хатаска элбэх оҕолоох дьиэ кэргэн кыбартаалыгар киирэр суоллар хапытаалынай өрөмүөннэрэ (2-с түһүмэҕэ). Хантараак суумата – 134 697 699,00 солк.;

– Лиза Чайкина уул. Чернышевскай уулуссаттан Крупская уулуссаҕа диэри учаастагар хапытаалынай өрөмүөн. Хантараак суумата – 60 000 000,00 солк.

– Капитоновка с. Заречная уул. хапытаалынай өрөмүөнэ. Суумата – 96 046 901,00 солк.;

– Бестужев-Марлинскай уул., Богдан Чижик уулуссатыттан Кальвицаҕа диэри учаастагар (2-с учаастак). Хантараак суумата – 82 843 404,34 солк.

Маны таһынан 2025-2027 сс. икки индикаторнай эбийиэккэ  хапытаалынай өрөмүөн үлэтэ барыа. Ойуунускай уул., Дежнев уулуссатыттан Октябрьскай уул. диэри кэрчиккэ. Бэдэрээтчит –  "Дороги Саха" САТ. Хантараак суумата 810 731 356,24 солк. Ону тэҥэ Хабаров уул., Ярославскай уулуссатыттан Богатырев уул. диэри учаастага. Бэдэрээтчит – "РИК Автодор". Хантараак суумата – 705 346 490,64 солк.
Хантараактар уопсай суумалара –  1 516 077 846,88 солк.

Санатар буоллахха, 2024 с. суол өрөмүөнүгэр үбүлээһин  кээмэйэ 2,45 млрд солк. тэҥнэспитэ. 31,495 км усталаах суол (Дьокуускай куорат агломерациятын территориятыгар уулусса суолун ситимин 21 эбийиэгэ) чөлүгэр түһэриллибитэ.
2019-2024 сс. "Куттала суох хаачыстыбалаах суол" национальнай тосхолу олоххо киллэрии чэрчитинэн уопсайа 195,11 км усталаах суолга, 155 эбийиэккэ, суол туругун тупсарыы үлэтэ ыытыллыбыта. Бу үлэни ыытарга уопсайа 13,75 млрд солк. көрүллүбүтэ.

 Дьокуускай куорат уокуруктааҕы дьаһалтатын матырыйаалларынан