Дьокуускай тупсаҕай көстүүтүн Быраабылатын кэһии иһин туох эппиэтинэскэ тардылллыахха сөбүй?

Киин куораппыт тупсаҕай көстүүтүн Быраабылатын кэһии иһин туох эппиэтинэскэ тардылллыахха сөбүн туһунан Дьокуускай уокуруктааҕы дьаһалтатын муниципальнай иниспиэксийэлэргэ управлениета суруйда.

Ол курдук, управление Дьокуускайга үлэлиир урбаанньыттарга туһаайан куорат уокуругун сиригэр-уотугар 2021 с. бэс ыйын 30 күнүнээҕи "Правила благоустройства территории городского округа "город Якутск" нормативнай-правовой аакта үлэлиирин санатар.
Быраабыла быһыытынан, "Дьокуускай куорат" уокуруктааҕы сиригэр-уотугар үлэлэрин ыытар физическэй уонна юридическай сирэйдэр уопсай ирдэнэр нуормалары тутуһаллара ирдэнэр. Олохтоох бэйэни салайыныы уорганнара территориялары тупсарыы эйгэтигэр үлэлэрэ, көҕөрдүүгэ, уулуссалары сырдатыыга, бытовой уонна бырамыысыланнай тобохтору харайыыга уо.д.а. боппуруостары быһаарара регламеннанар.

Дьокуускай куорат территориятын тупсаҕай көрүҥүн Быраабылатын кэһээччи СӨ Кодексатыгар олоҕуран административнай эппиэтинэскэ тардыллар.

Быраабыланы кэһии иһин туох эппиэтинэскэ тардыллыахха сөбүн сиһилии https://yakutskcity.ru/press-tsentr/ сигэнэн киирэн аах.