Дьокуускай оскуолаларыгар – үс саҥа оптуобус
Арассыыйа Бырабыыталыстыбатын дьаһалынан СӨ Үөрэххэ уонна наукаҕа министиэристибэтэ оптуобустары улуустарга, уокуруктарга, Дьокуускай куоракка уонна судаарыстыбаннай үөрэх тэрилтэлэригэр үллэрдэ.
Ол түмүгүнэн Амма, Үөһээ Бүлүү, Бүлүү, Горнай, Мэҥэ Хаҥалас, Нам, Ньурба, Өймөкөөн, Өлүөхүмэ, Таатта, Томпо, Уус Алдан, Хаҥалас уонна Чурапчы улуустара иккилии оптуобуһу ылыахтара.
Ону таһынан:
- Дьокуускай оскуолаларыгар – 3 оптуобус;
- өрөспүүбүлүкэ судаарыстыбаннай тэрилтэлэригэр – 7 оптуобус.
Бэлиэтээн эттэххэ, ааспыт биэс сыл иһигэр Саха сирин оскуолаларыгар 299 саҥа оптуобус бэриллибит. Бу үлэ тиһиктээхтик салҕанар.
Дойдуга оҥоһуллан, таҥыллан тахсыбыт «ГАЗ» уонна «ПАЗ» мааркалаах саҥа оптуобустар оскуола оҕолорун күн аайы үөрэхтэригэр илдьэргэ-аҕаларга, ону таһынан үөрэнээччилэр уонна педагогтар олимпиадаларга, куонкурустарга, күрэхтэһиилэргэ уонна да атын үөрэх тэрээһиннэригэр баралларыгар-кэлэллэригэр туһаныллыахтара.
Сонуннар
Ордук ааҕаллар
