Дьокуускай олохтоохторун “Кыайыы дьыктаанын” суруйарга ыҥыраллар

Бээтинсэҕэ, муус устар 24 күнүгэр, «Кыайыы дьыктаана» норуоттар икки ардыларынааҕы историческай аахсыйа буолар. Быйыл байыаннай хамандыыр Георгий Жуков төрөөбүтэ 130 сылыгар, ону тэҥэ Аҕа дойду Улуу сэриитин сүрүн түгэннэригэр уонна өйдөбүнньүк даталарга ананар диэн куорат үөрэҕин управлениета иһитиннэрэр.

Дьокуускайга тэрээһиннэр култуура, колледжтар, оскуолалар уонна үрдүк үөрэх тэрилтэлэригэр ыытыллыахтара. Сүрүн аһаҕас былаһааккалар:

— Национальнай художественнай түмэл быыстапкалыыр саалата;

— Хотугулуу-Илиҥҥи федеральнай университет;

— А.Е. Кулаковскай аатынан Норуоттар доҕордоһууларын дьиэтэ.

Күнүс 15:00 чаастан саҕаланар. Кыттыыны сирэй көрсөн да, онлайн да оҥоруохха сөп. Чугас былаһаакканы диктантпобеды.рф саайтка булуохха сөп.

Кыайыылаах абитуриеннар үрдүк үөрэх кыһаларыгар туттарсарга 10 эбии баалы ылыахтарын сөп. Федеральнай кыайыылаахтары сыаналаах бириистэр уонна Москваҕа Кыайыы күнүн параадыгар ыҥырыы күүтэр.