Дьокуускай олохтоохторо Бүтүн Арассыыйатааҕы оонньуу финалыгар кытталлар
Өрөспүүбүлүкэтээҕи түһүмэх түмүгүнэн Саха политехническай лиссиэй үөрэнээччилэрэ Айаал, Айтал Петровтар төрөппүттэрин кытта Саха сирин аатыттан кыттар чиэскэ тиксибиттэрэ.
Финалга Арассыыйа араас муннуктарыттан 84 дьиэ кэргэн күөн көрсүөҕэ, быһаарыылаах тургутууларга барыта 330-тан тахса киһи кыттыаҕа.
Бэлиэтээн эттэххэ, бырайыагы «Бастакылар хамсааһыннара», «ЮНАРМИЯ», «Аҕа дойдуну көмүскээччилэр» пуонда уонна «ВОИН» киин олоххо киллэрэллэр.
Петровтар түмүктүүр түһүмэххэ күүскэ бэлэмнэммиттэр: тактическай медицина сатабылларыгар, сапёр идэтигэр, пилота суох көтөр аппарааттары салайыыга уонна хамаанданан үлэҕэ үөрэммиттэр.
Кыттааччылары 10 тургутуу күүтэр, олор истэригэр маршруттаах квест, радиосибээс, тулууру тургутар сорудахтар уонна айар күрэхтэр бааллар.
Петровтар дьиэ кэргэннэригэр ситиһиилэри баҕарабыт.
Сонуннар
Ордук ааҕаллар
