Дьокуускай куораттааҕы Юнармия дьиэтэ – Бүтүн Арассыыйатааҕы күрэх кыайыылааҕа

Саха сиринээҕи Юнармия дьиэлэрэ Бүтүн Арассыыйатааҕы «Лучший Дом ЮНАРМИИ» көрүү-күрэх кыайыылаахтарынан буоллулар, диэн Ил Дархан уонна Бырабыыталыстыба пресс-сулууспата иһитиннэрэр.
Ол курдук, муус устар 14 күнүгэр буолан ааспыт «Лучший Дом Юнармии» Бүтүн Арассыыйатааҕы көрүү-күрэх кыайыылаахтарынан Дьокуускай куораттан Обургу оҕолор кииннэрин иһинэн үлэлиир уонна Бүлүү куораттан Сэбиэскэй Сойуус Дьоруойа Н.С. Степанов аатынан Юнармия дьиэлэрэ буоллулар.
Күрэххэ Арассыыйа 44 регионуттан «Юнармия дьиэтэ» диэн статустаах 112 үөрэх кыһата кыттыыны ылбыт, ол иһигэр Алдан, Бүлүү, Уус Алдан, Эбээн Бытантай уонна Дьокуускай куорат оҕолоро.
Дьокуускай куораттааҕы Юнармия дьиэтэ 126 баалы ылан, «Дома Юнармии, получившие материально-техническое оснащение за счет средств Аппарата Главного штаба в период с 2021 по 2024 г.г.» категория кыайыылааҕа буолары ситиспит. Оттон Сэбиэскэй Сойуус Дьоруойа Н.С. Степанов аатынан Бүлүү куораттааҕы Юнармия дьиэтэ «Дома Юнармии, претендующие на получение материально-технического оборудования» категорияҕа бастаан, федеральнай бүддьүөт өйөбүлүнэн 1 мөл. солк. тахса суумалаах  оборудование атыылаһар быраабы ылбыт.
Оборудованиеҕа компьютернай уонна оргтехника, сымнаҕас миэбэл, үөрэнэр плакаттар, судаарыстыбаннай символлар, аптамаат, атын даҕаны сэрии сэбиргэлин макеттара, үөрэх пособиелара о.д.а. киирсэр. 
Саха Өрөспүүбүлүкэтигэр бүгүҥҥү күҥҥэ 31 муниципальнай тэриллиигэ 239 юнармейскай этэрээтинэн 10 890 тахса 8-тан 18-гар диэри саастаах оҕо хабыллар.  
Хаартыска:  «ЮНАРМИЯ» ВВПОД Саха сиринээҕи салаата