Дьокуускай куорат ытыктабыллаах олохтоохторо уонна ыалдьыттара!

Кыайыы пааркатыгар сарсыарда 10 чаастан 14 чааска диэри  күүс-уох успуордун бэстибээлэ буолар. ГТО Ультра күрэхтэһии.

Оҕолорго “Кыайыы нэһилиэнньиктэрэ” диэн сүүрүүгэ күрэхтэһии тэриллиэ.

Күнүс 12 чааска – Мас олордуута, куораты көҕөрдүүгэ ыытыллыбыт “Күөх кубок” күрэх түмүгүн кыайыылаахтарын наҕараадалааһын.

10 чаастан бырааһынньыктааҕы улахан, киэҥ атыы-тутуу дьаарбаҥката түстэниэ.

Күнүс 14 чаастан 16 чааска диэри “Расцветай, Якутск” бырааһынньыктааҕы кэнсиэр күүтэр. Саха Эстрадатын  сулустара кыттыахтара.

Эмиэ 14 чаастан оҕолорго анаммыт оонньуулар, маастар-кылаастар тэриллиэхтэрэ. Былаахтаах флешмоб.

Күнүс 14 чаастан 15 чааска диэри күүс-уох успуордугар күрэх кыайыылаахтарын наҕараадалааһын уонна ГТО нуорматын туттарбыттарга значоктары туттарыы үөрүүлээх тэрээһинэ буолар.

Киэһэ 18 чаастан “Звуки Туймаады”  тыыннаах доҕуһуолунан ыччат кэнсиэрэ.

“Кырдьаҕас куорат” территориятыгар

12-17 чч. – Бастакы куораттааҕы пленэр

13-17 чч. – “Минньигэс эрээт” атыы- дьаарбаҥката

13-17 чч. – “Созвездие мастеров” декоративнай-прикладной оҥоһуктар быыстапка дьаарбаҥкалара.

13-17 чч. – “Былыргы Дьокуускай” диэн кэллиэксийэһиттэр интерактивнай быыстапкалара.

13-17 чч. “Маастардар куораттара” быыстапка-дьаарбаҥка уонна уус-уран оҥоһуктары оҥорууга “Симэх” Национальнай киин маастар-кылаастары тэрийэр.

13-14 чч. “Дьокуускай оҕо саас муусукатыгар” Мария Александрова оҕолорго устуудьуйатын бырааһынньыктааҕы бырагыраамата.

14-16 чч. “Туойабын тапталлаах куораппын” диэн “Арыллыы” вокальнай устуудьуйа бырагыраамата.

14-18 ч. “Якутск по фотоматериалам генаральных планов города. Фотовыставка  совместно с муниципальным архивом г. Якутска”. (Дьокуускай историятын түмэлигэр)

Култуура пааркатыгар

12 ч. “Үрүҥ көмүс” саастаахтарга хотугу хаамыы күнэ.

“Киин” киинэ тыйаатырын иннинээҕи туонаҕа

12 ч – “Мин аатым Таптал” уус-уран киинэ. Бу манна босхо киирэр билиэттэри тыйаатыр каассатыгар биитэр саайтарыттан ылыахха сөп.

Тэрээһин "ийэтэ-аҕата", арааһа, сарсын, балаҕан ыйын 13 күнүгэр былааннаммыт. Ону сарсыарда манна киирэн көрөөрүҥ.