Дьокуускай куорат тэрилтэтэ Арассыыйа үөрэҕин министиэристибэтин 5,68 мөл. солк. суумалаах гранын хаһаайына буолла

Үтүө сонуну куорат баһылыга Евгений Григорьев бэйэтин тг-ханаалыгар үллэстэр:    
«Оҕо сайыҥҥы сынньалаҥа саҕалаанары турдаҕына үчүгэй сонун кэллэ – биһиги «Центр психолого-медико-социального сопровождения» муниципальнай тэрилтэбит Арассыыйа үөрэҕин министиэристибэтин күрэҕин кыайан, «Старт возможностей» диэн бырайыагы олоххо киллэрэргэ 5,68 мөл. солк. суумалаах грант хаһаайына буолла! Бу күрэххэ дойду бары муннугуттан кытталлар, оттон быйыл 94 сайаапка киирбититтэн 9 бастыҥы быһаарбыттар» (https://t.me/EvgenyGrigorev/2798).

«Старт возможностей» бырайыак 7-тэн 15-гэр диэри саастаах доруобуйаларынан хааччахтаах оҕолорго сайыҥҥы лааҕыр баазатыгар инклюзивнай былаһаакканы тэрийэргэ туһуланар. Бырайыагынан 120 итэҕэһэ суох, ол иһигэр ОВЗ диагнозтаах уонна 60 аутическай хабааннаах кэһиллиилээх оҕолор хабыллар кыахтаахтар.

Эбэн эттэххэ, баһылык бэйэтин телеграм-ханаалыгар суруйарынан, Дьокуускай куорат бүддьүөтүттэн быйыл 8,32 мөл. солк. суумалаах үп «Сайын» оҕо лааҕырын (урукку «Труд» лааҕыр) cүрүн куорпуһун уонна остолобуойун өрөмүөнүгэр тыырыллыбыт. Онон, доруобуйаларынан хааччахтаах оҕолор сайыҥҥы сынньалаҥнарын тэрийэргэ дьоһун болҕомто ууруллубут.