Дьокуускай куорат оскуолаларын оҕолоругар анаан үс куорат таһынааҕы лааҕыр аһылынна

Дьокуускайга сайыҥҥы чэбдигирдэр хампаанньа салҕанар. Оҕолору сынньатар уонна чэбдигирдэр "Сосновый бор" киин базатыгар “Сосновый бор”, “Кэскил” уонна “Энергетик” диэн үс лааҕыр үлэлиир. Сезон устата манна патриотическай, экологическай, спортивнай, норуоттар икки ардыларынааҕы уонна сырдатар хайысхаларынан 11 тематическай симиэнэ ыытыллыаҕа. “Сосновай борга” бэс ыйын 24 күнүттэн Арассыыйа уонна Кытай эрэгийиэннэриттэн оҕолор кыттыылаах “Дипломаты будущего” диэн норуоттар икки ардыларынааҕы симиэнэ саҕаланыаҕа. Оҕолор дипломатия сүрүннэрин кытта билсиэхтэрэ уонна үөрэх тэрээһиннэригэр кыттыахтара.

“Кэскил” лааҕырга “ВОИН”, “Время первых – Береги планету!” уонна “Точка” симиэнэлэр ыытыллыахтара. Бэс ыйын 17 күнүттэн манна “ВОИН” киини кытта холбоһуктаах симиэнэ саҕаламмыта, ол чэрчитинэн строевой бэлэмнэнии, аармыйа историятын үөрэтии уонна спортивнай күрэхтэһиилэр буолуохтара. “Время первых – Береги планету!” симиэнэ экологическай иитиигэ ананар. “Энергетик” лааҕырга быйыл сайын “Орлята России”, “Юные патриоты”, “Время героев” уонна “Энергетика лета” симиэнэлэр ыытыллаллар.