Дьокуускай куорат наҕараадаларын билэҕин дуо?

Дьокутааттар чуолаан наҕараадаҕа түһэриллээччи хадаатайыстыбатыгар кини куорат сайдыытыгар чопчу кылаатын, уопсастыбаннай үлэтин уонна дьоһун ситиһиилэрин сиһилии суруйары сөптөөҕүнэн ааҕаллар.

Ол курдук, Олохтоох дьаһалта официальнай саайта суруйарынан, Дьокуускай куорат олохтоохтору 15 араас грамотанан, махтал суругунан, анал бэлиэнэн наҕараадалыыр кыахтаах. Ол ханныктарый?

1. «Дьокуускай куорат» куораттааҕы уокурук баһылыгын грамотата уонна түөскэ иилиллэр бэлиэтэ;

2. «Дьокуускай куорат» куораттааҕы уокурук бочуоттаах грамотата уонна түөскэ иилиллэр бэлиэтэ;

3. «Ийэ албан аата» бочуоттаах бэлиэ;

4. «Дьокуускай куорат бочуоттаах тутааччыта» анал бэлиэ;

5. «Дьокуускай куорат доруобуйатын харыстабылыгар үтүөлэрин иһин» анал бэлиэ;

6. «Дьокуускай куорат үөрэҕириитин сайыннарыыга кылаатын иһин» анал бэлиэ;

7. «Дьокуускай куорат экономикатыгар кылаатын иһин» анал бэлиэ;

8. «Дьокуускай куорат ыччатын политикатын сайыннарыыга кылаатын иһин» анал бэлиэ;

9. «Дьокуускай куорат физическэй култуураҕа уонна спорка сайдыытыгар кылаатын иһин» анал бэлиэ;

10. «Дьокуускай куорат нэһилиэнньэтин социальнай харыстабылыгар кылаатын иһин» анал бэлиэ;

11. «Дьокуускай куоракка үтүөлэрин иһин» анал бэлиэ;

12. «Дьокуускай куорат бочуоттаах гражданина» анал бэлиэ;

13. «Дьокуускай куорат» куораттааҕы уокурук бочуоттаах грамотата»;

14. «Дьокуускай куорат Олохтоох дьаһалтатын бочуоттаах грамотата»;

15. «Дьокуускай куорат Олохтоох дьаһалтатын махтал суруга».

Дьокуускай куорат үрдүкү наҕараадатынан «Дьокуускай куорат бочуоттаах гражданина» анал бэлиэ буолар. Бу наҕарааданан бүгүҥҥү күҥҥэ 110 киһи бэлиэтэммит. Саамай бастакы наҕараадаланааччынан 1885 сылтан 1889 сылга диэри губернаторынан үлэлээбит генерал-майор Светлицкэй Константин Николаевич буолар. Бүтэһигинэн, ол эбэтэр 2024 сыллаахха, дьокутааттар куорат үрдүкү наҕараадатынан Куорат дууматын 16 сыл салайбыт Саввинов Александр Александровиһы бэлиэтээбиттэр.