Дьокуускай куорат элбэх оҕолоох дьиэ кэргэттэригэр суһал иһитиннэрии

Кэнники кэмҥэ мессенджердэргэ уонна социальнай ситимнэргэ сотору сокуон ылыллыаҕа, ол иитинэн элбэх оҕолоох дьиэ кэргэттэр сир учаастагын бэйэлэрэ көрдүүр бырааптара быһыллар диэн сурах-садьык тарҕанар. Онуоха гражданнарга «уочарата суох», «мээрийэни кытта сөбүлэҥнээх» сирдэри талан биэрэр төлөбүрдээх өҥөнөн туһанарга ыҥыраллар.

Дьокуускай куорат Олохтоох дьаһалтата риелтордары кытта үлэлэспэт уонна элбэх оҕолоох дьиэ кэргэттэргэ сир учаастактарын атыылыырга сөбүлэҥ биэрбэт. Сир учаастактара кэлимник бэлэмнэнэллэр уонна уочаратынан эрэ бэриллэллэр.

Сир учаастагын биэрии туһунан сайабылыанньаны биэрии өҥөтө босхо оҥоһуллар. Бу процедура Арассыыйа Сир Кодексатын уонна өрөспүүбүлүкэ нормативнай аакталарын тутуһан ыытыллар. Ханнык баҕарар сокуоҥҥа уларытыы официальнай бэчээттээһининэн эрэ киириэн сөп.

Дьиҥ иһитиннэриини бу боппуруостарынан дьарыктанар туһааннаах уоргаҥҥа тиийэн билсиэххэ сөп: Октябрьскай уулусса, 20/1,  3-с этээс. Прием күнэ: сэрэдэҕэ 14:00 чаастан 17:00 чааска диэри.

Иһитиннэриини Дьокуускай куорат Олохтоох дьаһалтатын yakutskcity.ru официальнай сайтыгар бэрэбиэркэлииргитигэр сүбэлиибит.