Дьокуускай куоракка 8604 киһи тумуулаан, өрөспүүбүлүкэ уопсай көрдөрүүтүн 80,7% тэҥнэспит

Роспотребнадзор СӨ управлениета иһитиннэрэринэн, Саха сиригэр 2025 сыл 42-с нэдиэлэтиттэн ОРВИнан уонна грипп ыарыынан ыалдьыы таһыма үрдээбит.
Ол курдук, дьыл 44-с нэдиэлэтигэр 10 659 киһи ыалдьыбыта бэлиэтэнэн, эпидемиология боруога (ЭП – 64,4) 65,6% үрдээбит, оттон ааспыт нэдиэлэ бу көрдөрүүтүн 24,5% куоһарбыт.
Дьокуускай куоракка 8604 киһи ыалдьан, өрөспүүбүлүкэ уопсай көрдөрүүтүн 80,7% тэҥнэспит. 
Лабораторнай мониторинг түмүгүнэн кэлиҥҥи үс нэдиэлэҕэ А грипп (H3N2) вируһа элбээбит, маны сэргэ грипптэн атын вирустар, сүрүннээн риновирус уонна парагрипп, коронавирус саҥа вирустара күүскэ тарҕаммыт.
Бэлиэтээн эттэххэ, өрөспүүбүлүкэ үрдүнэн грипп ыарыыттан быһыыны оҥоруу көрдөрүүтэ 379 тыһ. киһиэхэ тэҥнэспит: 160 тыһ. - оҕо аймах, 219 тыһ. - улахан дьон.
Манан сибээстээн Дьокуускай куорат үрдүнэн бары оскуолаларга, ол иһигэр эбии үөрэхтээһин тэрилтэлэригэр, секцияларга, куруһуоктарга, култуурунай-маассабай тэрээһиннэри ыытыыга сэтинньи 5-10 күннэригэр карантин биллэрилиннэ.