Дьокуускай Физкультурник күнүн дьоһун ситиһиилэрдээх көрсөр

Бу күн куорат олохтоохторугар уонна ыалдьыттарыгар маастар-кылаастар, дьарыктар, исписэлиистэр консультациялара ыытыллыаҕа. Куорат спорт оскуолалара, спорт көрүҥнэринэн федерациялар бэйэлэрин үлэлэрин билиһиннэриэхтэрэ.

Ил Дархан уонна Бырабыыталыстыба пресс-сулууспата иһитиннэрэринэн, сыл саҕаланыаҕыттан өрөспүүбүлүкэ үрдүнэн 300 араас маассабай спорт тэрээһинэ ыытыллыбыт. Ол иһигэр Дьокуускайга СӨ хаһыйар спорда төрүттэммитэ 100 сылынан 500 хайыһардьыт кыттыылаах күрэхтэһии, 1500 киһи кыттыылаах Үлэ кэлэктииптэрин V Спартакиадата, 900 спортсмен кыттыылаах «Дьулуур» XV спорт адаптивнай көрүҥнэригэр спартакиада, аан дойду таһымнаах алта гроссмейстер кыттыылаах саахымакка Ил Дархан Кубога буолан аастылар.

Бөдөҥ тэрээһиннэртэн олунньу ыйга художественнай гимнастикаҕа Уһук Илиҥҥэ бастыыр иһин күрэхтэһиини, Оҕунан ытыыга Арассыыйа чемпионатын, кикбоксиҥҥа Уһук Илиҥҥэ бастыыр иһин күрэхтэһиини ааттыахха сөп.