Дьокуускай айылҕаны харыстааччылары түмэр

Атырдьах ыйын 18 күнүгэр Бүтүн Арассыыйатааҕы аахсыйаҕа кыттыһан куорат олохтоохторо Өлүөнэ өрүс кытылын ыраастыахтара. Экофестиваль 202-с дьоҕус оройуон кытылыгар ыытыллар.

Субуотунньукка сүүһүнэн волонтер, салайар былаас үлэһиттэрэ, эстрада сулустара, артыыстар, спортсменнар, ону кытта Ил Дархан Айсен Николаев, Дьокуускай баһылыга Дмитрий Садовников кыттыыны ылыахтара. Маны тэҥэ ким баҕалаах кыттыһыан сөп.

Былырыын Саха сирэ “Общий сбор” федеральнай куонкуруска бастаабыта – Таатта Чычымаҕын оҕолоро Амма өрүс кытылын ыраастаан дьүүллүүр сүбэ биһирэбилин ылан, Саха сирэ “Вода России” бэстибээли ыытар быраапка тиксибитэ.

Бэстибээл кыттааччыларыгар РФ Айылҕа ресурсаларын уонна экологиятын миниистирэ Максим Корольков эҕэрдэтин тиэрдиэҕэ.

Ырыаһыт Эркээнэ Алмаас уонна “Дыгын оонньууларын” биэс төгүллээх чемпиона Егор Филиппов кытылы ыраастааһыҥҥа күрэхтэһиэхтэрэ.

Өлүөнэ эбэ кытылын ыраастааһыҥҥа Дьокуускай олохтоохторун уонна ыалдьыттарын ыҥыраллар. Табыгастаах таҥаһы таҥнан кэлэҕит, туттар тээбриннэринэн тэрийээччилэр хаассыйаллар.

Волонтердар хайаан да эрдэттэн регистрацияланыахтаахтар: берегдобрыхдел.рф

 (https://clck.ru/3VBcTy).

Верифицированныай волонтер чааһын аахсарга  Добро.рф сайтка регситрацияланаҕыт.

(https://dobro.ru/event/1182000).

Буолар күнэ: 18.08.2026

Буолар кэмэ: 08.30-12.00

Буолар сирэ: Дьокуускай к., 202-с түөлбэ