Дьокуускай-Аллараа Бэстээх: таһаҕаһы дронунан тиэрдии

Чуолаан, Дьокуускай куораттан Аллараа Бэстээххэ таһаҕаһы пилота суох тэрилинэн тиэрдии кыһыҥҥы өттүгэр салҕанар буолла.

Санатар буоллахха, бырайыак бастакы түһүмэҕэр, от ыйын ортотуттан атырдьах ыйын 10 күнүгэр диэри, дрон дэнэр пилота суох көтөр тэриллэр Өлүөнэ өрүс нөҥүө 600 кг кэриҥэ таһаҕаһы тиэрдэн тураллар. Оператордар күннэтэ уоннуу эриэйсэни оҥорбуттара. Көтөр тэрил биир сырыыга 10 кг тиийэ ыйааһыннаах таһаҕаһы көтөҕөр кыахтаах, оттон сакаас баара эрэ 15 мүнүүтэ иһигэр толоруллар этэ.

Бырайыак ааптардара бу саҥа ньыманы аны кыһыҥҥы кэмҥэ боруобалаан көрөр сыаллаахтар. Вице:-премьер Аскалон Семенов бэлиэтииринэн, таһаҕаһы тиэрдиигэ дроннары туһаныы суол быстар кэмигэр нэһилиэнньэлээх пууннар икки ардыларыгар сибээһи тутарга сүҥкэн суолталаах. Ону сэргэ маннык ньыма тырааныспар атын көрүҥүнээҕэр кыра ороскуоттаах.

Бырайыагы тэрийээччилэринэн «Якутия» технопаарка, ньиэп-гаас салаатын логистикаҕа оператора уонна «Бунтар» ИТ-хампаанньа буолаллар. Оттон Саха сирэ нэһилиэнньэлээх пууннар икки ардыларыгар дроннарынан таһаҕас тиэйиини тэрийбит Арассыыйаҕа бастакы регион буолар, диэн Ил Дархан улнна Бырабыыталыстыба пресс-сулууспата иһитиннэрэр.