Дьокуускай аэропорда маастар-былааҥҥа олоҕуран тупсарыллыаҕа

Дьокуускай куорат сайдыытын торумнуур маастар-былаан 2025 сыл олунньутугар бигэргэммитэ. Маастар-былааҥҥа олоҕуран, куорат 400 сылын көрсө сүҥкэн тупсарыы үлэтэ барыахтаах. Өр сылларга барар социальнай-экономическай сайдыы былаана “Олох инфраструктурата” национальнай бырайыакка тирэҕирэр.

Аэропорка норуоттар икки ардыларынааҕы рейстэргэ аналлаах терминал тутуута уларыйыаҕа, кэҥиэҕэ, пассажирдары араарар зоната атыннык тэриллиэҕэ. Телескопическай трап баар буолара былааннанар. Терминал Саха сирин иһинээҕи рейстэргэ кытта үлэлиэҕэ.

Саҥардыллыбыт терминал үлэлээтэҕинэ, Харбин, Пекин, Бэйдайхэ, Бангкок, Хошимин, Пхукет, Алматы, Бишкек, Улан-Батор курдук куораттарга уонна да атын СНГ, АТР куораттарыгар быһа рейстэр көтүөхтээхтэр. Сылга 60 тыһ. тахса пассажир ааһара былааннанар.