Дьокутааты сирэй көрсөр наадалааххын? Оччоҕо аах.

Ил Түмэн Судаарыстыбаннай мунньах бэрэссэдээтэлин 2025 с. ахсынньы 10 күнүнээҕи 116 №-дээх дьаһалынан бигэргэммит кыраапыкка олоҕуран, сотору, ыам ыйын 21 күнүгэр, быыбардааччылары кытта сирэй көрсөн кэпсэтиэхтэрэ: 

Ил Түмэн бэрэссэдээтэлин 1-кы солбуйааччы Александр Жирков, бэрэссэдээтэл солбуйааччылара –Судаарыстыбаннай тутулга уонна сокуону оҥорууга кэмитиэт бэрэссэдээтэлэ Афанасий Владимиров, Бүддьүөт, үп, нолуок уонна сыана бэлиитикэтигэр, бас билиигэ уонна приватизацияҕа кэмитиэт бэрэссэдээтэлэ Юрий Николаев уонна Олохтоох салайыныыга кэмитиэт бэрэссэдээтэлэ Владимир Прокопьев. Ону тэҥэ ити күн Экэниэмикэ, инвестиция уонна бырамыысыланнас бэлиитикэтигэр кэмитиэт бэрэссэдээтэлэ Павел Петров, наука уонна үөрэх кэмитиэтин бэрэссэдээтэлэ Антонина Григорьева көрсүөхтэрэ.

Оттон ыам ыйын 28 күнүгэр Ил Түмэн бэрэссэдээтэлин солбуйааччы – Байыаннай дьыалаҕа, бойобуой дьайыылар бэтэрээннэрин дьыалатыгар, патриоттуу иитиигэ уонна уопсастыбаннай тэрилтэлэр боппуруостарыгар кэмитиэт бэрэссэдээтэлэ Александр Подголов, Доруобуйа харыстабылыгар кэмитиэт бэрэссэдээтэлэ Светлана Давыдова, тыа сиригэр уонна аграрнай бэлиитикэҕэ кэмитиэт бэрэссэдээтэлэ Александр Атласов, сир сыһыаннаһыыларыгар, айылҕа баайыгар уонна экологияҕа кэмитиэт бэрэссэдээтэлэ Андрей Находкин, уонна Социальнай бэлиитикэҕэ, үлэнэн хааччыйыыга кэмитиэт бэрэссэдээтэлэ Алена Атласова приемнуохтара.

Норуот итэҕэллээҕин кытта сирэй көрсүһэр туһугар, хайаан да  Ил Түмэн Судаарыстыбаннай Мунньах уопсастыбаннай приемнайыгар сирэй тиийэн биитэр  https://www.iltumen.ru/reception интэриниэт-приемнайыгар суруйтарыахха сөбүн санатабыт.

Приемнай аадырыһа:  Дьокуускай куорат Ярославскай уулуссатын 24/1 №-дээх дьиэтин117 №-дээх кэбиниэтэ. Сайабылыанньа көҥүл халыыбынан суруллар. Онно приемҥа киириэн баҕарар гражданин туһунан дааннай уонна туруорсар боппуруоһун кылгас ис хоһооно ыйыллыахтаах. Хайаан да эрдэттэн суруйтаран эрэ баран тиийэҕит. Пааспаргытын илдьэ бараргытын умнумаҥ. Приемҥа киириэн баҕалаахтар, эрдэттэн 8 (4112) 43-53-74 эрийэн, сиһилии чопчулаһаргыт ордук.