Дьокутааттар куорат хаһаайыстыбатын тэрилтэлэрин үлэтин уонна көҕөрдүүгэ уларытыылары дьүүллэстилэр

Отчуоту «Теплоэнергия» АУо, «Служба технического обеспечения», «Горсвет», «Жилкомсервис», «Пригородная теплосетевая компания» муниципальнай-унитарнай тэрилтэлэр уонна «Дирекция парков и общественных пространств» МАУК оҥордулар.

Дакылааттары истэн баран дьокутааттар үлэ сүрүн көрдөрүүлэрин үчүгэйинэн сыаналаатылар.

Ол иһигэр оҥоһуллубут өҥө иһин иэһи сабыыга, өҥө көрүҥүн элбэтиигэ, куорат эбийиэктэригэр куттал суох буолуутун хааччыйыыга, инфраструктураны көрүүгэ-истиигэ элбэх үлэ барбытын бэлиэтээтилэр. Тупсарыы уонна ОДьКХ эйгэтигэр көҥүлэ суох сыбаалкалары тиэйиигэ, уопсастыбаннай туоналары көрүүгэ, уулуссалары сырдатыыга ситиһиилэри ыйдылар.

Ол эрээри тэрилтэлэр инфраструктура, оборудование эргэриитэ курдук кэккэ кыһалҕалар баалларын, маны туоратарга үп уонна каадыр тиийбэтин быһаардылар.

Тупсаҕайдык дьаһанан олоруу быраабылаларыгар көҕөрдүү боппуруоһугар киирбит уларыйыылары туһунан боппуруоһунан дьүүллэстилэр. Чуолаан күөх үүнээйини көрүүгэ, харыстааһыҥҥа уонна компенсационнай көҕөрдүүгэ биир кэлим ирдэбил киирбитэ. Хамыыһыйа бу боппуруоһу Куорат дууматын президиумун дьүүлүгэр киллэрэргэ быһаардылар, диэн Куорат дууматан пресс-сулууспата иһитиннэрэр.