Дьоҕус уонна орто урбааны үбүлээһин кэҥиир

«Дьокуускай куораты сайыннарыы пуондата» хампаанньа дьоҕус уонна орто урбааны үбүлүүр кыаҕын кэҥэтэрин туһунан иһитиннэрэр. 

Ол курдук, «Бизнес-развитие» көрүҥҥэ бэриллэр микросойуому 5 мөл. солк. диэри улаатыннарда.

Бэйэ дьыалатын салгыы сайыннарар баҕалаах урбаанньыттар уонна юридическай сирэйдэр пуондаттан сылга 8% ыстаапкалаах чэпчэтиилээх сойуому ылан туһаныахтарын сөп. Манна хас биирдии кирэдьиити ылааччыга кыаҕыттан, тус былааныттан көрөн иэһи төлөһүү болдьоҕун 3 ыйтан 3 сылга диэри уһун кэмҥэ биэриэхтэрин сөп.

Пуонда урбаан эйгэтигэр саҥа идиэйэлэри олоххо киллэрэргэ, производствоны кэҥэтэргэ уонна Дьокуускай куоракка үлэ миэстэтин элбэтэргэ кыаҕы арыйар соруктаах үлэлиир.

Пуондаҕа +79248700071 нүөмэринэн эрийэн эбэтэр Орджоникидзе уул., 36/1 дьиэтигэр 401-1 кэбиниэтигэр кэлэн сойуом туһунан сиһилии билсиэххитин сөп.

Сойуом ылааччыттан туох ирдэнэрэ:

Сойуом ылааччыттан сүрүннээн Дьокуускай куорат уокуругар болдьохтоох кэм устата (сойуом бородууктатыттан көрөн араастаһар) регистрациялаах буолара, Дьокуускай сиригэр-уотугар үлэлиирэ ирдэнэр. Маны сэргэ сойуом дуогабарын түһэрсэр кэмигэр РФ нолуок сокуонунан төлөнүөхтээх нолуогар, пеняҕа, ыстараапка, бүддьүөт үбүн туттуу иһин тутуллар бырыһыаҥҥа ыйыллыбыт сууматтан (сойуом көрүҥүнэн араастаһар) элбэҕэ суох иэстээх буолуохтаах. Ону тэҥэ сойуом бородуукталарыттан көрөн эбии ирдэбиллэр бааллар.

Хампаанньа дьоҕус уонна орто урбаан хайысхатын көрөн сойуом биэрэр бородуукталара:

«Бизнес-Кино»
Дьокуускай куорат территориятыгар олохтоох туризмҥа уонна табаары оҥорон таһаарыыга үлэлэһэр, сүрүн үлэ быһыытынан киинэ, видеофильм уонна телевизионнай бырагырааманы оҥоруунан дьарыктанар дьоҕус уонна орто урбаан субъектарыгар.

Сойуом кээмэйэ: 5 мөл. солк. диэри.

Бэриллэр болдьоҕо: 3 ыйтан 36 ыйга диэри.

Сойуом ыстаапката: сылга 8%.

Сыала: реквизитинэн хааччыныы, видео-, тыас-уус аппаратуратын, накопитель уо.д.а. курдук тэрили ылыы, эргииргэ сылдьар үбү-харчыны эбии, атын тэрилтэлэр өҥөлөрүн төлөһүү.

(Үбү-харчыны тус сыаллаах туһаныы отчуота – 6 ыйынан).

«Бизнес-приоритет»
Дьоҕус уонна орто урбаан субъектарыгар

Сойуом кээмэйэ: 4 мөл. солк. диэри.

Бэриллэр болдьоҕо: 60 ыйга диэри.

Сойуом ыстаапката: сылга 8%.

Сыала: Дьокуускай куорат территориятыгар пассажирдары таһар үлэни сайыннарыыга.

«Доверие»
Дьоҕус уонна орто урбаан субъектарыгар

Сойуом кээмэйэ: 1 мөл. солк. диэри.

Бэриллэр болдьоҕо: 36 ыйга диэри.

Сойуом ыстаапката: сылга 8%.

Сыала: Олохтоох урбааны, туризмы уонна оҥорон таһаарыыны сайыннарыы.

«Самозанятайдар»
«Налог на профессиональный доход» эрэсиими туһанар дьоҕус уонна орто урбаан субъектарыгар уонна физическэй сирэйдэргэ.

Сойуом кээмэйэ: 100 тыһ. солк. 500 тыһ. солк. диэри.

Бэриллэр болдьоҕо: 3 ыйтан 36 ыйга диэри.

Сойуом ыстаапката: сылга 11%.

 Сыала: үлэни-хамнаһы ыытыыга туһаныллар табаары, матырыйаалы ылыы, эргииргэ сылдьар үбү-харчыны эбии, ыытар үлэҕэ сыһыаннаах хамсаабат баай-дуол куортама, хомунаалынай өҥөтө курдук ороскуоттары төлөһүү.

(Үбү-харчыны тус сыаллаах туһаныы отчуота – 3 ыйынан).

«Бизнес-старт»
Дьоҕус уонна орто урбаан субъектарыгар

Сойуом кээмэйэ: 500 тыһ. солк. диэри.

Бэриллэр болдьоҕо: 36 ыйга диэри.

Сойуом ыстаапката: сылга 8%.

Сыала: Саҥа саҕалаан эрэр урбаанньыттар ылсыбыт дьыалаларын, олохтоох туризмы уонна оҥорон таһаарыыны сайыннарыы.

«Бизнес-Туризм»
Дьокуускай куорат территориятыгар олохтоох туризмҥа уонна табаары оҥорон таһаарыыга үлэлэһэр, сүрүн үлэ быһыытынан экскурсиялатар туристическай өҥөнү оҥорор дьоҕус уонна орто урбаан субъектарыгар.

Сойуом кээмэйэ: 5 мөл. солк. диэри.

Бэриллэр болдьоҕо: 3 ыйтан 36 ыйга диэри.

Сойуом ыстаапката: сылга 8%.

Сыала: Олохтоох урбааны, туризмы уонна оҥорон таһаарыыны сайыннарыы, үлэҕэ туһанар табаары, матырыйаалы ылыы, эргииргэ сылдьар үбү-харчыны эбии.

(Үбү-харчыны тус сыаллаах туһаныы отчуота – 6 ыйынан).

«IT-Бизнес»
Дьокуускай куорат территориятыгар IT эйгэтигэр үлэлиир орто уонна дьоҕус урбаан субъектарыгар

Сойуом кээмэйэ: 5 мөл. солк. диэри.

Бэриллэр болдьоҕо: 3 ыйтан 36 ыйга диэри.

Сойуом ыстаапката: сылга 8%.

Сыала: бырагырааманан хааччыйыы урбааныгар лиссиэнсийэни ылыы, ситим каналлары, веб-хостиннары төлөөһүн, көмпүүтэри, коммуникационнай тэрили уонна оргтехниканы ылыы, өрөмүөннээһин, дьиэни куортамҥа ылыы, үлэһит хамнаһын төлөөһүн уо.д.а.

(Сойуом дуогабарынан көрүллүбүт үбү-харчыны тус сыаллаахтык туһаныыны харчы түспүт кэмиттэн  9 ый иһигэр отчуоттанар).

«Дьокуускай куораты сайыннарыы пуондата»
МКК матырыйаалларынан.

Хаартыскалар: www.fondykt.ru саайтан.