Дмитрий Садовников Айаал Лазаревтыын көрүстэ

“Айааллыын биһиги 2010 сыллаахтан билсэбит, оччолорго мин Дьокуускайга Тустуу федерациятын бэрэссэдээтэлин солбуйааччынан үлэлээбитим. Маннык көрсүһүүлэр кураанах отчуотунан муҥурдамматтар, кыһалҕаны хайдах баарынан, көбүөргэ туох буолар турарын кэпсэттибит”, - диэбит Дмитрий Дмитриевич.

Айаал Лазарев күөгэйэр күнүгэр сылдьар спортсмен, саҥа бырайыактарга кыттаары бэлэмнэнэр. Кини киин куорат баһылыгар сүрүн кыһалҕаны – эдэр талааннаах спорстменнарга уопуттаах настаабынньыктар суохтарын уонна атын сиргэ сбордарга баран уопут атастаһан кэлии тиийбэтин эппит.

Спортивнай оскуолалар сайдар хайысхаларын, тренер идэтигэр ыччаты угуйуу тула кэпсэппиттэр. Ону кытта Дьокуускай инфтраструктурата спордунан үлүһүйэн дьарыктанар дьоҥҥо табыгастаах буолуохтааҕын бэлиэтээбиттэр.

“Биһиги куораппытыгар тустуу сайдар кэскиллээх, ону өйүүр эрэ тустаахпыт”, - диир Дмитрий Садовников.