Диспетчерскэй сулууспа суукканы эргиччи үлэлиэхтээх

Оттон АДС нүөмэрэ хас биирдии дьиэ подъеһыгар көстөр сиргэ ыйанан туруохтаах. АДС нүөмэрин маны сэргэ ГИС ЖКХ «Информация об исполнителях услуг» түннүгэр [#alias|dom.gosuslugi.ru/#!/houses|https://dom.gosuslugi.ru/#!/houses] чопчулуохха сөп.

Аварийнай-диспетчерскэй сулууспа эбээһинэһигэр киирсэр:

- төлөпүөҥҥэ 5 мүнүүтэ иһинэн эппиэттиэхтээх, куоттарар түгэнигэр, 10 мүнүүтэ иһинэн кыһалҕалаах киһиэхэ бэйэтэ эрийиэхтээх;

- итии, тымныы ууга сыһыаннаах сайаапка киирдэҕинэ, 30 мүнүүтэ иһинэн саахал тарҕамматын хааччыйыахтаах (сүрүннээн ууну араарыы буолар);

- бөх тоҕор турба бүөлэниитин сайаапка киирбитэ 2 чаас иһинэн туоратыахтаах, ол эрээри маннык үлэ сарсыарда 8.00 чаас кэнниттэн уонна киэһэ 23.00 чаастан хойутаабакка ыытыллыахтаах;

- уунан, электричество уотунан хааччыйыыга сыһыаннаах саахалы 3 суукка иһинэн туоратыахтаах.

- быстах алдьаныынан-кэһэниинэн сайаапкаларынан суукканы эргиччи үлэлиир эбэбээһинэстээх.

Оттон дьиэни бас билээччи эбэтэр дьиэҕэ олорооччу сайаапка толоруллар болдьоҕун билэр бырааптаах.

Бу эбээһинэстэртэн биирин эмэ толорбот буолуу эбэтэр кэһии Салайар хампаанньаны, ТСЖны сокуонунан көрүллэс эппиэтинэскэ тардарга төрүөт буолар. Санатар буоллахха, ааспыт сыл алтынньы ыйыгар Ил Түмэн дьокутааттара сокуоҥҥа уларытыыны киллэриини ылынан, элбэх кыбартыыралаах олорор дьиэлэри салайар хампаанньалары (УК уонна ТСЖ) хонтуруоллуур боломуочуйа муниципалитеттарга бэриллибитэ.

Салайар хампаанньалар уонна ТСЖ эбээһинэстэригэр туох киирсэрин «Киин куоракка» суруйан турабыт. Манна киирэн сиһилии ааҕыаххытын сөп. 

Салайар хампаанньа эбээһинэһин толорбут түгэнигэр:

— Салайар хампаанньа аатыгар сурук суруллар.

— Бу көмөлөспөт, итэҕэс туоратыллыбат түгэнигэр, Госстройжилнадзор аатыгар үҥсүү түһэриллэр. Дьиэни бас билээччи маны таһынан Роспотребнадзорга уонна Прокуратураҕа суруйан, бырааба күөмчүлэммитин үҥсэр кыахтаах.

Өйдөөҥ: Төлөбүр хаачыстыбалаах өҥө иһин оҥоһуллар. Ылыммыт эбээһинэскэ ээл-дээл сыһыаны кытта эйэлэһимэҥ!