Дьиэ таһын киэргэтии иһин үрдүк ыстараап көрүллэр

Көлүөһэлэр кутталлаах тобохтор төрдүс кылаастарыгар киирсэллэр. Кинилэр салгыҥҥа уонна буорга буортулаах веществолары таһаараллар. Административнай буруйу оҥоруу кодексата тиэргэннэри киэргэтиигэ көлүөһэлэри туһанары быһаччы бобор, диэн юрист «Абзац» кытта кэпсэтиигэ чуолкайдаата.

Физическэй сирэйдэргэ ыстараап 1-тэн 2 тыһыынча солкуобайга диэри. Дуоһунастаах сирэйдэр 10-тан 30 тыһыынча солкуобайга диэри төлүөхтэрэ. Юридическай сирэйдэргэ (холобур, салайар хампаанньаларга) накаастабыл улахан — 100-тэн 250 тыһыынча солкуобайга диэри эбэтэр 90 сууккаҕа диэри үлэлэрин тохтотуу. Хаттаан кэһиигэ гражданнарга ыстараап 3 тыһыынча солкуобайга диэри улаатыа, диэн Завалько эбэн эттэ.