Дьиэ кэргэн төлөбүрүгэр быраабы дохуоттан тутулуга суох аныыры туруорсаллар

Элбэх оҕолоох төрөппүттэр НДФЛ-ы 13%-тан 6%-ҥа диэри намтатар дьиэ кэргэн нолуогун төлөбүрүн дохуоттарын таһымыттан тутулуга суох бары ылыахтаахтар. Итинник санааны ТАСС-ка РФ Уопсастыбаннай палаататын сэкирэтээрин солбуйааччы Владислав Гриб эттэ.

2026 сылтан икки уонна онтон элбэх оҕолоох ыаллар киһиэхэ ортотунан 1,5 эрэгийиэннээҕи олох алын кээмэйиттэн кыра дохуоттаахтар ааспыт сылга төлөнөр дохуот нолуогун 13%-тэн 7% -нын төннөрөр быраабы ылаллар.

“Бу нолуок вычетын критерийдэриттэн дууһаҕа орто эрэгийиэннээҕи дохуоту ылан кэбиһэргэ этии баар. Биһиги элбэх оҕолоох ыаллар үрдүк хамнастаналларын көҕүлүөхтээхпит, кистиир усулуобуйалары тэрийиэ суохтаахпыт. НДФЛ 6% түмүк ыстаапката дохуотуттан тутулуга суох элбэх оҕолоох ыалларга барыларыгар баар буолуохтаах”, - диэтэ Гриб.

Кини элбэх оҕолоох төрөппүттэргэ эмиэ бэйэни үлэнэн хааччыйааччыларга (самозанятые) дохуот нолуогун билиҥҥи 4-6%-тан 2%-ҥа диэри намтатыахха наада диэн бэлиэтээтэ.