«Дьиэ кэргэн» хапытаалынан ааспыт сылга 3 тыһыынча кэриҥэ ыал туһаммыт

Санатар буоллахха, СӨ «Дьиэ кэргэн» хапытаал үһүс уонна онтон кэлэр оҕолорун төрөппүт эбэтэр иитиигэ ылбыт ыалга ананар.

Элбэх оҕолоохторго маны сэргэ 2027 сылга диэри уһатыллыбыт «Үйэ оҕолоро» хапытаал олохтоммута. Босхо сир учаастагын оннугар бэриллэр харчынан төлөбүр кээмэйэ 300 тыһ. солк. диэри улааппыта. ОДьКХ төлөбүрүгэр 30% чэпчэтии баар. Аан бастаан ыал буолар эдэр дьоҥҥо 50 тыһ. солк. кээмэйдээх төлөбүр көрүллэр. Харчынан өйөбүлү таһынан элбэх оҕолоох ыаллар оҕолоро оскуолаҕа босхо итии аһылыгынан хааччыллаллар, уопсастыбаннай тырааныспарга айанныыллар, орто анал үөрэххэ төлөбүрдээх үөрэххэ киирэллэригэр харчынан көмө оҥоһуллар.

Оҕо төрүөҕүттэн сокуоннай сааһын ситиэр диэри оҥоһуллар федеральнай уонна региональнай өйөбүл көрүҥнэригэр Саха Өрөспүүбүлүкэтэ Уһук Илиҥҥэ уонна Арассыыйаҕа инники күөҥҥэ сылдьар, диэн Ил Дархан уонна Бырабыыталыстыба пресс-сулууспата иһитиннэрэр.