Дьиэҕин уоруйахтартан харыстыыр сүбэлэр

Холобур, аан чуорааныгар эбэтэр домофоҥҥа тиһигин быспакка эрийии, тиэргэҥҥэ, подъезка, былаһааккаҕа эбэтэр лиипкэ билбэт дьоҥҥут сылдьаллара, ону тэҥэ дьиэ таһыгар туора массыына турара эмиэ сэрэхэдьитэр.

Киирэр ааны хаартыскаҕа түһэрии, аан аттыгар уонна калиткаҕа уорбаланар бэлиэлэри хаалларыы, күлүүстэр үлэлээбэт буолуулара — кутталлаах сибикилэринэн ааҕыллаллар. Уоруйахтар үгүстүк дьиэҕэ ким эмит баарын-суоҕун бэрэбиэркэлииллэр, онно аан аттыгар, почта дьааһыгар эбэтэр аан үрдүгэр араас маллары, холобур, реклама листовкаларын хааллараллар. Исписэлиистэр этэллэринэн, уоруйахтар киһи үгэстэрин, олоҕун-дьаһаҕын уонна дьиэтин көмүскэллээх буолуутун таһымын үөрэтэн, былааннаан тиийэллэр.

Маныаха чааһынай дьиэлэр билигин, кыбартыылары кытта тэҥнээтэххэ, кутталлаах зонаҕа киирсэллэр. Уоруйахтар ордук харчыны, киэргэллэри, чаһылары, смартфоннары, ноутбуктары уонна атын кыра электрониканы илдьэ бараллар. Чааһынай дьиэлэртэн үгүстүк инструменнар, генератордар, сад тиэхиньикэтэ, уу ыстарар күүстээх тэриллэр, сыаналаах бэлисипиэттэр, квадроцикллар уонна гараастартан тэриллэр сүппүт буолаллар. Оттон даачалартан — тутуу матырыйаала, сантехника уонна ититии систиэмэтин тэриллэрэ сүтүөхтэрин сөп. Ити барыта тутуу уонна өрөмүөн матырыйаалларыгар сыана үрдүүрүн кытта ыкса сибэстээх.

Онон бу сүбэлэри туһанан, барытын кыраҕытык кэтии сылдьаргыт наада.