31.10.2021 | 10:00

Дьиэ хаһаайкаларыгар сүбэлэр

Дьиэ хаһаайкаларыгар сүбэлэр
Ааптар: Айталина Софронова

Джинсы ыстаан өҥүн харыстыыбыт

Аан дойдуга хас биирдии иккис киһи джинсы ыстааны сөбүлээн кэтэр эбит. Кэтэргэ судургу уонна, саамай сүрүнэ, ханнык баҕарар өҥү-дьүһүнү кытта дьүөрэлэһэр. Ол эрээри сорох ыстааннар өҥнөрө наһаа түргэнник кубарыйан хаалар. Төһөнөн өр тирии курдук кэтэҕин да, соччонон өҥө сүтэр, өлбөөдүйэр. Оннук буолбатын туһугар джинсы ыстааны маҕаһыынтан атыылаһан баран, сууйуоҥ иннинэ 12 чаас устата 1 тааска 1-2 хаа тымныы тустаах ууга илитэн ыл.

Түүкэрийбит таҥаһы ыраастыыбыт

Таҥас түүкэрийдэҕинэ, бытык хорунар бириитибэ төбөтүнэн ыраастыахха сөп. Эбэтэр аныгы үйэҕэ түүкэрийбит таҥаһы ыраастыыр анал массыыҥкалар атыыланаллар. Дьэ, оччоҕуна эргэрбит таҥаһыҥ саҥатыгар түһүөҕэ.

 

Көмүһү сууйуу

Көмүһү сууйуох иннинэ кураанах өрбөҕүнэн ыраастаан, күлүмүрдэтэн биэрэбит. Хараарбыт көмүһү лимон согунан сотон баран, сылаас ууга уган ылыҥ.

Чэрэниилэ

Кыра оҕобут уруучукатын онно-манна барытыгар быраҕар. Аны туран, уруучуканы тутта эрэ, хайаан даҕаны ханна эмэ бээтинэ хаалларар идэлээх. Чэрэниилэни испиискэ тоһоҕотун инчэҕэй сиэрэтинэн сотобут. Хаалбытын инчэҕэй тирээпкэнэн эбэтэр баатанан сотон кэбиһэбит.

Көлөлөөх дьахталларга

Бензин, сэлээркэ сыта илиигэ уһуннук иҥэн хаалар. Оннук буолбат туһуттан, илиигитин хартыыһанан суунуҥ. Сыты-сымары түргэнник сүтэрэр судургу ньыма.

 

Раковина бүөлэннэҕинэ

Уу түһэр турбата киртийэн бүөлэннэҕинэ, раковинаҕа суода кутабыт, ол үрдүгэр уксуус кутан, 20-чэ мүнүүтэ туруорабыт. Ити кэннэ сылаас ууну сүүрдэн, сайҕыыбыт. Оччоҕуна кирдээх күүгэн тахсар уонна канализация сыта-сымара ааһар.

 

Сырдык линолеуму ыраастыыбыт

Сырдык линолеумҥа атах таҥаһын эрэһиинэтэ хара суоллары хаалларыан сөп. Ону ыраастыыр олус эрэйдээх, сылба бөҕө баранар. Ол оннугар кураанах теннис мээчиктэринэн сууйуҥ, түргэнник ааһыа, бириэмэҕитин кэмчилиэ.

 

Бааҥка стерилизацията

Бааҥкалары духуопкаҕа уонна электрическэй плитаҕа стерилизациялыахха сөп. Стерилизация саҕаланыан иннинэ, духуопка тымныы буолуохтаах. Быһа холоон 10-15 мүн. турар.

 

Сыаны-арыыны сүтэрэр

Бу сыллар тухары иҥэн хаалбыт сыаны-арыыны тимир күлбүһэҕинэн аалан кэллибит. Биллэн турар, онно иһит-хомуос алдьанара чахчы. Ол оннугар Grass Azelit диэн ааттаах средствонан түргэнник ыраастыахха сөп эбит. Сыаната 170-220 солкуобай тиийэ буолар. Туттаргытыгар бэрчээккитэ кэтиҥ.

Сонуннар

Ордук ааҕаллар

Дьокуускай маастар-былаанын Илиҥҥи экономическай форумҥа билиһиннэриэхтэрэ
Сонуннар | 19.11.2021 | 11:30
Дьокуускай маастар-былаанын Илиҥҥи экономическай форумҥа билиһиннэриэхтэрэ
Саха сиригэр өрөспүүбүлүкэ киин куоратын маастар-былаанын оҥорорго Бүтүн Арассыыйатааҕы куонкуруска бэлэмнэнии саҕаланна. Итиннэ анаммыт пресс-конференцияҕа Ил Дархан Айсен Николаев иһитиннэрбитинэн, Дьокуускай маастар-былаанын аныгыскы Илиҥҥи экономическай форумҥа билиһиннэриэхтэрэ. Куонкуруһу өрөспүүбүлүкэ бырабыыталыстыбатын кытта Дьокуускай территориятын сайынннарыыга сөбүлэҥ чэрчитинэн Үүнэр көлүөнэ Целевой пуондата уонна  «ДОМ.РФ» сайдыы интситута үбүлүөхтээхтэр.  Балаҕан ыйыгар ыытыллыбыт бүтэһик Илиҥҥи...
Хоһоон ааҕыытыгар аһаҕас күрэс
Сонуннар | 24.11.2021 | 16:00
Хоһоон ааҕыытыгар аһаҕас күрэс
Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923...
Ефим СТЕПАНОВ:  «Өндөрөй миэхэ эрэнэр, итэҕэйэр»
Дьон | 18.11.2021 | 13:16
Ефим СТЕПАНОВ: «Өндөрөй миэхэ эрэнэр, итэҕэйэр»
Кинилэр доҕордоспуттара үйэ аҥаарыттан орто. Айар үлэлэрин тыылаах эрдиигэ тэҥниэххэ сөп. Олохторун суола, айаннарын аартыга ол курдук быстыспат ситимнээх.    Саха АССР үтүөлээх артыыһа, ССРС Судаарыстыбаннай бириэмийэтин лауреата, Арассыыйа Судаарыстыбаннай бириэмийэтин лауреата, РСФСР үтүөлээх артыыһа, СӨ норуодунай артыыһа, П. А. Ойуунускай аатынан Судаарыстыбаннай бириэмийэ лауреата Ефим СТЕПАНОВ – “Киин куорат” хаһыат...
“Тобуруокап күһүнэ – Иэйии биһигэ"
Сонуннар | 22.11.2021 | 14:30
“Тобуруокап күһүнэ – Иэйии биһигэ"
“Иэйии” кэммиэрсийэтэ суох литературнай түмсүү көҕүлээһининэн “Тобуруокап күһүнэ – Иэйии биһигэ" кинигэ   Хаҥалас улууһун киин библиотекатыгар сүрэхтэннэ.    Тэрээһини Хаҥалас улууһун "Өлүөнэ долгуннара" литературнай түмсүү салайааччыта Людмила Колесова уонна Хаҥалас улууһун кииннэммит библиотекатын сүрүн испэсэлииһэ Валентина Колесова иилээн-саҕалаан ыыттылар.  Куйаар нөҥүө Үөһээ Бүлүүттэн «Нам» МТ нэһилиэгин баһылыга Николай Иннокентьевич Кардашевскай, Петр...