Дьахтарга саамай наадалаах битэмиин ханныгый?

Бастатан туран, Е битэмиин көҥүл радикаллары нейтрализуйдуур уонна искэн үөскүүр кутталын аҕыйатар күүстээх антиоксидант. Коллаген оҥоһуллуутун көҕүлүүр, тирии кытаанах уонна сымнаҕас буолуутун тупсарар буолан, үгүстүк “кэрэ битэмиинэ” диэн ааттыыллар.

Дьахталларга Е битэмиин биир саамай наадалаах.

Ол эрээри бу битэмиин туһата ити эрэ буолбатах. Ол эмиэ репродуктивнай функцияҕа олус наадалаах, ол эбэтэр оҕо үөскүүрүгэр уонна доруобай оҕону төрөтөргө.

• Е битэмиин ДНК дьахтар ууһуур килиэккэлэрин көҥүл радикаллартан харыстыыр, доруобай үөскүүр сиэмэ ситэригэр көмөлөһөр.

• Е битэмиин прогестерон оҥоһуллуутун көҕүлүүр, бу гормон эмбриону ситиһиилээхтик имплантациялыырга, плацента үөскүүрүгэр уонна хат буолуу кэмин устата наадалаах, оҕо куотар кутталын аҕыйатар.

• кини антиоксидантнай хаачыстыбалара оҕолонор уорганнарга бааламмыт ыарыыны намтатарга көмөлөһөр.

Манна эбэн эттэххэ, Е битэмиин эр киһи оҕолонор доруобуйатыгар эмиэ суолталаах:

• Сперма ахсаанын уонна хамсаныытын үрдэтэр.

• Алдьаммыт ДНКлаах сперматозоидтар бырыһыаннарын аҕыйатар, ол оҕолонууга үчүгэй дьайыылаах.

Арыылар, эриэхэлэр, балык — ханнык аһылыктар Е битэмииннээхтэрий?

Бу сыаналаах битэмиин ханнык астарга элбэҕий?

1. Үүнээйи арыылара (бурдук үүнээйитин арыыта, мас арыыта, оливка, кукуруза, лүөн арыыта).

2. Эриэхэлэр уонна сиэмэлэр (миндаль, фундук, подсолнух сиэмэтэ, арахис, кедр эриэхэтэ, фисташка).

3. Күөх сэбирдэхтээх оҕуруот астара (шпинат, брокколи, куударалаах хаппыыста (кейл)).

4. Балык уонна муора аһылыга (лосось, форель, креветка).

5. Фрукта уонна оҕуруот аһа (авокадо, киви, манго, папайя, тыква).

6. Туораахтаах уонна бобовай үүнээйилэр (үүннэрбит бурдук сиэмэтэ, чечевица, нут).

7. Атын источниктар (сымыыт уоһаҕа, үүт бородууксуйата (кыра кээмэйинэн), Е битэмииннээх аһылыктар (холобур, сарсыардааҥҥы аһылыкка хлопья)).

Е битэмиин ордук туһалыа, өскөтүн салааттарга үүнээйи арыытын эбэтэр эриэхэлэри эптэххэ.