06.10.2026 | 14:33 | Просмотров: 88

Дьахтар аймах Госдуумаҕа дьокутаат буолуута

Кэмитиэттэри билистибит. Онтон аны эр дьон уонна дьахталлар диэн арааран көрдөххө, 34 кэмитиэттэн 6 кэмитиэти кэрэ аҥаар салайыа.
Дьахтар аймах Госдуумаҕа дьокутаат буолуута
Ааптар: Тат
Хаартыска: РАПСИ хаартыската
Бөлөххө киир

(Салгыыта, 2-с чааһа)

Уопсайа, бу күһүн талыллыбыт тохсус ыҥырыылаах мунньах 450 дьокутаатыттан 80-а – дьахтар эбит. Ол эбэтэр, кинилэр парламентан 17,8 бырыһыаны ылаллар.

Бу бачча дьахтар дьокутаат талыллыыта -- Арассыыйа алын палаатата үлэлээн кэлбит усталаах-туоратыгар аан бастакытын элбээбитин туоһута дииллэр. Бу иннинээҕигэ дьахталлар 74 этилэр.

Дуума салалтатыгар, ол аата, президиумугар итинтэн 4 дьахтар дьокутаат баар. Ол курдук, спикер бастакы солбуйааччыта Ирина Яровая, ону таһынан вице-спикердэр Анна Кузнецова, Виктория Абрамченко (“Биир ньыгыллар”) уонна ЛДП-тан Мария Воропаева үлэлиэхтэрэ.

Ааспыты анааран көрдөххө

  1. Бастакы Судаарыстыбаннай Дуумаҕа (1993-1995) 58 дьахтар дьокутаат баара. Итинтэн 23-э «Женщины России» хамсааһынтан талыллыбыттара бэлиэ түгэн.
  2. Иккискэ (1995-1999) — 46, 
  3. Үһүскэ (1999-2003) — 34, 
  4. Төрдүскэ (2003-2007) — 44, их число выросло за счет «Единой России»,
  5. Бэһискэ уонна алтыска (2007-2011 уонна 2011-2016) —  61-дии, 
  6. Сэттискэ (2016-2021) — 63, 
  7. Ахсыс ыҥырыылаах Мунньахха –  74 кэрэ аҥаар дьокутаат баара.

Ити курдук, дьахтар дьокутаат буолуута сырыы аайы сыр-мыр да буоллар, элбээн иһэрэ кэрэхсэбиллээх. Онуска өссө элбиэхтэрэ диэн эрэниэҕи баҕарыллар.

Уопсайа дойдубут 8 ыҥырыылаах мунньаҕар барыта холбоон, кырата, 316 дьахтар дьокутааттаабыт. Ол да буоллар, дьокутаат уопсай ахсаанын баара эрэ 14 бырыһыанын ылар. Онон көхтөөх, өй-толкуй мааны хотуттара билиҥҥиттэн сыал-сорук туруорунан үлэлиэхтэрин наада эбит.

Сонуннар

10.11.2026 | 19:30
Дьукаах

Ордук ааҕаллар

Убаһа этэ туох кутталлааҕый?
Сытыы муннук | 05.11.2026 | 13:00
Убаһа этэ туох кутталлааҕый?
Идэһэ сезона саҕаланна. Убаһа этэ атыыга таҕыста. Ылан тоҥнуу сиэри салбанан олорооччу элбэх буолуохтаах...
Бэлэх
Сонуннар | 06.11.2026 | 19:00
Бэлэх
олоххо буолбут түбэлтэ
Сулусчут тугу сүбэлиир эбитий?
Сонуннар | 06.11.2026 | 08:30
Сулусчут тугу сүбэлиир эбитий?
Сэтинньи 6 күнүнээҕи, бээтинсэтээҕи гороскоп.