Даачалаахтар уонна гараастаахтар иэстэрэ 144 мөл. солк. куоһарбыт

Саадынан-оҕуруотунан дьарыктанааччылар табаарыстыбалара (СОТ) уонна гараас-тутуу кэпэрэтииптэрэ (ГСК) энергетиктэрэ иэстэрэ 144 мөл. солк. куоһарда. Ыам ыйыгар иэстээхтэргэ 1950 иһитиннэрии уонна иэһи суутунан төлөттөрөр туһунан сурук тиэрдилиннэ.
Чуолаан «40 лет Победы» СНТ иэһэ бүгүҥҥү күҥҥэ 10 мөл. солк. тахсыбыт, кини кэннэ «Сатал» СНТ кэлэр, иэһин кээмэйэ 9,9 мөл. солк. куоһарбыт. Үһүс миэстэҕэ 3,3 мөл. солк. иэстээх «Отдых-1» ТСН турар (хамсаабат баайы-дуолу бас билээччилэр табаарыстыбалара).
Гараас кэпэрэтииптэрин үс «лидердэригэр» «Монтажник» ГСПК (3 мөд. солк.), «Звездочка» ГСК (2,8 мөл. солк.), «Комета» ГСПК (2,1 мөл. солк.) киирсэллэр. 
Маны сэргэ суох буолбут, ыһыллыбыт СОТтар уонна ГСКлар иэстэрэ 4,9 мөл. солк. тахсыбыт. Ол туһунан «ДЭК» «Якутскэнергосбыт» ПАО иһитиннэрэр.