Даачаҥ хара испииһэккэ суох ини?
2026 сыл олунньу ыйдааҕы туругунан киин куоракка Саад-оҕуруот табаарыстыбалара энергетиктэргэ иэстэрэ 38 мөл. солк. тэҥнэстэ. Өҥөнү тиэрдээччи төһө эмэ иһитиннэрэр, модьуйар үлэни ыыппытын үрдүнэн, кэккэ табаарыстыбалар иэстэн төлөрүйэргэ тиэтэйбэттэр.
Ол курдук, «40 лет Победы» СНТ иэһин кээмэйэ 4,6 мөл. солкуобайга тэҥнэһэн, «инники күөҥҥэ» тахсыбыт. Ол кэнниттэн иэстээхтэр кэккэлэрин кэҥэтэллэр:
«Фаза» СОТ – 1,97 мөл. солк.
«Чочур Муран» СНТ – 1, 9 мөл. солк.
«Ньургуһун» ДПК – 1,8 мөл. солк.
СОПК «Березовая роща» уонна СОНТ «Здоровье» иэстэрэ – 1,3 мөл. солк.
«Университет» СНТ – 1,2 мөл. солк.
«Простор» СНТ – 1 мөл. солк.
«ДЭК» ПАУо ыйыллыбыт СОТ-тарга сирдээх бас билээччилэри сэрэтэр: суут буолар түгэнигэр, туох баар ороскуот, пени, ыстараап, ону таһынан улахан кээмэйдээх иэстэн босхолонуу табаарыстыбаҕа сүктэриллиэҕэ. Ол түмүгэр СОТ юридическай сирэй быһыытынан төлөөбөт буолуута үтүө суобастаах бас билээччилэри эбии ороскуокка тиэрдиэн сөп.
Сонуннар
Ордук ааҕаллар
