Дьааҥы улууһа ууга барар

Бүгүҥҥү, от ыйын 31 күнүнээҕи,  туругунан, сарсыарда 09:00 чааска улуус киинигэр Баатаҕайга уу таһыма +36 см улаатан,  912 см буолла, Кутталлаах таһым – 970 см.

Верхоянскай куоракка ааспыт сууккаҕа + 38 см уу кэлбит. Уу таһыма – 1054 см, кутталлаах таһыма – 1020 см.

Верхоянскайга 34 тиэргэн, ол иһигэр 31 олорор дьиэ, 2 элбэх кыбартыыралаах дьиэ сирэ, балыыһалара ууга барда. Куоракка 1156 киһи олороро, ол иһигэр 221 оҕо. Халаантан харыстыыр даамбалаахтар, уу тоҕута түһэрин утары оҥорон олороллор.

Боронукка уулара 1054 см диэри таҕыста, кутталаах таһым - 970 см. 18 дьиэ ууга барда, 39 дьиэҕэ уу киирдэ, 51 тиэргэн, култуура киинэ уонна уһуйаан ууга бардылар. Уоттарын линията быстан уота суох олороллор. Манна 191 киһи, ол иһигэр 52 оҕо олорор.

Баатаҕайга уулара +36 см эбилиннэ. Уу таһыма 912 см, кутталлаах таһым – 970 см. Дьиэлэри ыла илик эрээри, куттал суоһуура тохтообот. Баатаҕайга билигин 4527 киһи олорор, ол иһигэр 1381 оҕо. Халаан уута улаханнык таһаардаҕына 13 элбэх кыбартыыралаах дьиэни, 5 чааһынай дьиэни ылар кутталлаах.

Бу иннинэ Дьааҥы улууһугар Сайдыы, Суордаах, Дулгалаах халаан уутуттан улаханнык эмсэҕэлээбиттэрэ.