«Цифровой алмаас» төрдүс төгүлүн ыытыллыа
Дьокуускай куоракка сэтинньи 27-29 күннэригэр сыыппара инфраструктуратын сайыннарыыга биир сүрүн түһүлгэнэн буолбут «Цифровой алмаас» IV федеральнай форум ыытыллыа.
Ааспыт нэдиэлэҕэ бу форумҥа бэлэмнэнии тула мунньах буолан ааста. Ол туһунан Саха Өрөспүүбүлүкэтин Ил Дархана Айсен Николаев телеграм-ханаалыгар иһитиннэрдэ. Ил Дархан бэлиэтээбитинэн, быйыл сүрүн болҕомто Уһук Илини уонна Арктиканы сайыннарар технологияларга ууруллуо: кэлэр кэм сибээһигэр уонна коммуникацияларга, дата-кииннэргэ, пилота суох тиһиктэргэ, судаарыстыба кэлим сыыппара архитектуратыгар, эдэр исписэлиистэр көҕүлээһиннэригэр. Бу хайысхалар дьон олоҕун хаачыстыбатын уонна территорияҕа экономика үүнүүтүн кытта быһаччы ситимнээхтэр.
Ааспыт сыллааҕы форум Арассыыйа 70 эрэгийиэниттэн уонна тас дойдулартан 3600-тан тахса кыттааччыны түмэн үгүс сөбүлэҥ түһэрсиллибитэ, элбэх бырайыак үлэлээн саҕалаабыта. Быйылгы форум эмиэ дойду сыыппараҕа салаата сайдарыгар быһаарыныылаах хамсааһыннары саҕалыыр былаһаакканан буолара күүтүллэр. Форум туһунан сиһилии цифровойалмаз.рф сайтка билсиэххэ сөп.
Сонуннар
Ордук ааҕаллар
