Чуумпуну уйгуурдар буоллахтарына

Ханнык кэмҥэ чуумпу туту­һул­луохтааҕый?

1) үлэ күннэригэр (бэнидиэнньик-бээтинсэ): киэһэ 21.00 чаастан сарсыарда 08.00-ка диэри.

2) өрөбүл күннэргэ (субуота-баскыһыанньа) уонна РФ-га олохтоммут бырааһынньыктар өрөбүллэригэр: киэһэ 22.00 чаастан сарсыарда 10.00 чааска диэри.

3) кыбартыыралаах олорор дьиэлэргэ, медицинскэй тэрилтэлэргэ, санаторийдарга, сынньалаҥ дьиэлэригэр, пансионаттарга, оҕо уһуйааннарыгар, оҕо интэринээт дьиэлэригэр, дьон олорор социальнай өҥөнү оҥорор тэрилтэлэргэ күн аайы күнүс 13.00 чаастан 15.00 чааска диэри чуумпу тутуһуллуохтаах. Ирдэбилтэн туорааһын: ыйыллыбыт кэмҥэ дьиэ үлэҕэ киирбитэ 1,5 сыл буола илигинэ ыытыллар өрөмүөн, тутуу, тиэйии-таһыы тыаһа-ууһа бобуллубат. Маны сэргэ саахалланыыны, ыксаллаах быһыыны-майгыны туоратарга ыытыллар үлэлэр быраабы кэһиинэн ааҕыллыбаттар.

Чуумпурууну  уйгуурдар тыаска туох киирэрий?

- Тэлэбиисэр, араадьыйа, магнитофон уо.д.а. тыаһы таһаарар тэриллэри улаханнык холбооһун, массыыналарга, киоскаларга тыаһы күүһүрдэр тэрили туһаныы.

- муусука үстүрүмүөнүгэр оонньооһун, хаһыы-ыһыы, иһиирии, ырыа-тойук уо.д.а. дьон чуумпутун уйгуурдар тыастар.

- тыастаах-уустаах пиротехниканы туттуу.

«Саха Өрөспүүбүлүкэтин административнай быраабы кэһиигэ Кодексатыгар» көрүллэр уопсастыбаннай бэрээдэккэ уонна куттал суох буолуутугар суудайар административнай быраабы кэһиигэ боротокуолу толоруу Сөбүлэҥэ 2022 с. атырдьах ыйын 5 күнүгэр күүһүгэр киирбитэ. Бу сөбүлэҥинэн полиция үлэһиттэрэ СӨ КоАП 3.5 ыст. чуумпуруу уонна сынньалаҥ кэмин уйгуурдааччылары боротокуоллуур кыахтаммыттара. Бу иннинэ маннык боротокуолу административнай хамыыһыйалар уонна олохтоох бэйэни салайыныы уорганнарын дуоһунастаах сирэйдэрэ эрэ толорор боломуочуйалаахтара.

Чуумпуруу кэмин уйгуурдааччы туох эппиэтинэскэ тардыллыан сөбүй?

Үҥсүү киирдэҕинэ, сокуону кэһээччилэри ыстарааптатыахха сөп. Ол курдук, бу сокуону кэһии иһин ыстараап физическэй сирэйгэ 1000-5000 тыһ. солк. диэри. Дуоһунастаах сирэйгэ – 10-50 тыһ. солк. Оттон юридическай сирэйгэ 50-250 тыһ. солк. диэри.